Լույս կտեսնի «Մեծ Գեթսբին» վեպի նախերգանքը․ The Guardian

Հունվարին՝ Միացյալ Նահանգներում, իսկ փետրվարի 25-ին՝ Մեծ Բրիտանիայում լույս կտեսնի Մայքլ Ֆերիիս Սմիթի «Նիք» վեպը։ Այն, ըստ էության, Ֆրենսիս Սքոթ Ֆիցջերալդի՝ 1925 թվականին հեղինակած «Մեծ Գեթսբին» վեպի նախերգանքն է, գրում է The Guardian-ը: Հրապարակման համաձայն՝ թողարկման ամսաթվերը պայմանավորված են այն փաստով, որ Ֆիցջերալդի վեպի հեղինակային իրավունքի ժամկետը լրանում է 2021 թվականի հունվարի 1-ին։ Այնուհետև այն կդառնա հանրային սեփականություն և սյուժետային իմաստով պատմության մեջ առաջին անգամ կարող է ազատորեն օգտագործվել:
Սմիթի վեպում գործողությունները պտտվում են Նիք Քարրավիի կյանքի շուրջ՝ խորհրդավոր միլիոնատեր Ջեյ Գեթսբիի հետ նրա հանդիպումից առաջ։ Ինչպես գիտենք, նա Ֆիցջերալդի վեպի կերպարներից է: Հրատարակիչները պնդում են, որ այժմ այս հերոսը «դուրս կգա ստվերից և կլինի ուշադրության կենտրոնում»: Հեղինակի խոսքով ՝ երբ նա մի քանի տարի առաջ վերստին ընթերցեց «Մեծ Գեթսբին», նա նկատեց, որ Նիքի մասին գրեթե ոչինչ հայտնի չէ: Այնուհետև նա որոշեց նրան դարձնել առանցքային հերոս, բայց արդեն իր հեղինակային գրքում: «Ես գիտեի, որ այս գաղափարը կյանքի կոչելու միակ ձևը գիրք գրելն էր: Այսպիսով, ես սկսեցի խորանալ այս գաղափարի մեջ», - ասել է Մայքլ Ֆարիիս Սմիթը: Ակնկալվում է, որ այս հերոսը ստիպված կլինի անցնել բազմաթիվ փորձությունների մեջով: Ինչպես հայտնի է, 2013-ին լույս տեսավ Ֆիցջերալդի վեպի էկրանավորված տարբերակը, որի ռեժիսորն էր Բազ Լուհրանը: Ֆիլմում միլիոնատեր Ջեյ Գեթսբիի դերը խաղում է «Օսկարի» դափնեկիր Լեոնարդո Դի Կապրիոն, իսկ դերասան Թոբեյ Մագուեյրը խաղում է նրա ընկերոջը` Նիք Քարրեյին: