Սոմալիի նախկին վարչապետին պարտավորեցրել են վճարել 21 մլն. դոլար

ԱՄՆ-ում դատարանը Սոմալիի նախկին վարչապետի նկատմամբ վճիռ է կայացրել։ Նախկին վարչապետը մեղադրվում է քաղաքացիներին տանջելու և սպանությունների մեջ։ Մեղադրանք ներկայացրել են 7 սոմալեցի ներգաղթյալ՝ պահանջելով վճարել 21 մլն դոլար, հայտնում է РИА Новости-ն:

Հիշեցնենք, որ Սոմալիի վարչապետ Մոհամմեդ Ալի Սամանտարը  պաշտպանության նախարար և փոխնախագահ է եղել Մոհամմեդ Սիադ Բարեի բռնապետական ռեժիմի շրջանում։

Նախկին վարչապետն այժմ ապրում է ԱՄՆ-ի Վիրջինիա նահանգում:

2004 թվականին նախկին վարչապետին մեղադրում էին ռեպրեսիաների տակ հայտնված ցեղերի անդամներին տանջելու և սպանելու հրամաններ արձակել համար:

Փետրվար ամսին 76-ամյա Սամանտարը հայտարարել էր, որ իր ֆինանսական և ֆիզիկական վիճակը թույլ չի տալիս մասնակցել դատական գործընթացին: Այս հայտարարության հետևանքը եղավ այն, որ դատարանը վճիռ կայացրեց ի օգուտ հայցվորի:

Նախկին վարչապետը կարծում է, որ այդ որոշումն ունի քաղաքական միտում և կարող է վերածվել իր հայրենիքում իրավիճակը սրող հանգամանքի:

Նշենք, որ դրա հետ միասին, ԱՄՆ-ի նախագահի վարչախումբը հայտարարել է, որ դատարանի վճիռը ոչ մի կերպ չի կարող անդրադառնալ Սոմալիի հետ ԱՄՆ-ի հարաբերությունների վրա: