Գյուլը թարմացրել է Twitter-ի իր էջը

Hurriyet-ի փոխանցմամբ՝ Թուրքիան նշելու է Հաղթանակի օրը առանց երկրի նախագահ Աբդուլլահ Գյուլի, ով ստիպված էր դադարեցնել իր հանդիպուպմները ականջի բորբոքումի բուժման պատճառով։ Գյուլը իր նկարով է կիսվել Twitter սոցցանցի իր պաշտոնական էջում. նկարում Գյուլը պառկած է Հաջիթեփեի հիվանդանոցում և շարունակում է աշխատել նույնիսկ այդ վիճակում:

Գյուլի բացակայությամբ Թուրքիայի Ազգային մեծ ժողովի ղեկավար Ջեմիլ Չիչեքը երեք օր կատարելու է երկրի նախագահի պարտականությունները։ Չիչեքը առաջնորդելու է միջոցառումները Անիթքաբիրում և Աթաթուրք Մշակութային կենտրոնում։ Համաձայն Sabah-ի՝ Գյուլն իր լիազորությունները կատարելու եռօրյա հավաստագիր է տվել Չիչեքին։

Հիշեցնենք, որ առողջական խնդիրների պատճառով օգոստոսի 23-ին Գյուլն ընդհատել էր Բիշկեք կատարած այցն ու վերադարձել Թուրքիա: Մինչև հիմա նա շարունակում է բուժման կուրս անցնել հիվանդանոցում: Բժիշկներն երկու ամիս արգելել են նրան միջազգային այցեր կատարել։