Այսօր Խաղողօրհնեքի՝ Սբ. Աստվածածնի Վերափոխման տոնն է

Սուրբ Աստվածածնի Վերափոխումը Հայ եկեղեցու հինգ մեծ տոներից չորրորդն է եւ Աստվածամորը նվիրված յոթ տոներից ամենահինը։

Սուրբ Աստվածածնի Վերափոխման տոնակատարության օրը Սուրբ Պատարագից հետո կատարվում է խաղողի օրհնում: Օրհնվում է նաեւ ամբողջ բերքը:

Հայ եկեղեցին խորը հարգանք եւ ակնածանք է տածում Աստվածամոր հանդեպ՝ ընդգծելով Նրա մաքրությունը, անզուգական խոնարհությունը, առաքինի պահվածքը եւ նվիրվածությունը: Հայ կնոջ համար Սուրբ Կույսը բարեպաշտ եւ նվիրված մոր՝ ընտանեկան սրբության պահապանի մարմնավորումն է: