Գեղամասարի բնակիչները փակել են Վարդենիս-Քարվաճառ ավտոճանապարհը. պահանջում են՝ մաքուր օդ և ջուր (տեսանյութ)

Այսօր վաղ առավոտից Գեղարքունիքի մարզի Գեղամասար խոշորացված համայնքի բնակիչները փակել էին Վարդենիս-Քարվաճառ ավտոճանապարհը: Պահանջում էին՝ մաքուր օդ և ջուր:
Բնակիչների պնդմամբ՝ բնապահպանական խնդիրներն առաջացել են Սոթքի ոսկու հանքավայրի պայթեցման հետևանքով. տարածքում առաջանում է քիմիական տարրերով հարուստ փոշու ամպ, որը հասնում է շրջակա բնակավայրեր, աղտոտում նաև խմելու և ոռոգման ջրերը։

Մեզ հաջողվեց տեղեկանալ, որ բողոքի ակցիան արդեն դադարեցվել է, բնակիչներին բարձրացված խնդիրների լուծման խոստում է տրվել:

Արփինե Հակոբյան