Կբացվի հայազգի ջազմեն Գեորգի Գարանյանի հուշարձանը

РИА Новости-ն, հղում կատարելով Գարանյանի հիմնադրամին, հայտնում է, որ ուրբաթ օրը տեղի է ունենալու հայտնի ջազմեն և սաքսոֆոնահար, նվագավար և երգահան Գեորգի Գարանյանի հուշարձանի բացումը Վահանկովսկու գերեզմանոցում, Մոսկվայում։

Հուշարձանի հեղինակներն են քանդակագործներ Լև Մատյուշինը և Անդրեյ Միտենևը։ Հուշարձանի ստեղծման աշխատանքները ընթացել են ավելի քան երկու տարի, էսքիզները արվել են վարպետի տեսագրությունների և նկարների արխիվների հիմքի վրա։ Երաժշտի այրին՝ Նելլի Զակիրովան, և նկարիչները սյուժեն ընտրել են հանդիսատեսի հետ ընկերական ողջույնը։ Գեորգի Գարանյանը պատկերված է ջինսերով և ազատ վերնաշապիկով, ինչպես որ նա շատ հաճախ ելույթ էր ունենում ջազ-փառատոններում և ոչ պաշտոնական ջեմ-հանդիպումներում։

Ռուսաստանի մշակույթի նախարարությունը արդեն ձեռք է բերել այս փոքր քանդակը Մոսկվայի Գլինկայի անվան երաժշտական մշակույթի թանգարանի համար։

Գեորգի Գարանյանը սովետական ու ռուսական ջազային, դասական և էստրադային սաքսոֆոնահար է, մի շարք երաժշտախմբերի գեղարվեստական ղեկավար, Ռուսաստանի ժողովրդական արտիստ՝ 1993թ.-ից, Ռուսաստանի Դաշնության կոմպոզիտորների միության և կինեմատոգրաֆիստների միության անդամ։ Բազմաթիվ միջազգային ջազային փառատոնների դափնեկիր է, այդ թվում Պրահայում, Բոմբեյում, Հավանայում, Վարշավայում, Ֆինլանդիայում, Իսրայելում, և նա միակ ջազային երաժիշտն է, ով ուներ աշխարհի ամենահեղինակավոր դահլիճներից մեկի՝ Կոնսերվատորիայի Մեծ դահլիճի բաժանորդագրությունը։ Գեորգի Գարանյանը վախճանվել է 2010թ. հունվարի 11-ին։