Ինչպես պետք է խոսել զուգընկերոջ հետ անհաջող սեռական կյանքի մասին

Եթե դուք գոհ չեք զուգընկերոջ հետ ձեր սեռական հարաբերություններից, կարևոր է ոչ միայն պաշտպանել ինքներդ ձեր շահերը, այլ նաև խնամքով վերաբերվել զուգընկերոջ զգացմունքներին: Ձեր զուգընկերոջը կշտամբելու միակ պատճառն այն կարող է լինել, որ նա գիտի, թե ինչը ձեզ դուր չի գալիս, բայց շարունակում է միտումնավոր անել դա:

Ասում եք, որ հարաբերություններում այս կամ այն երևույթը ձեզ դուր չի գալիս, և նա փորձում է ուժո՞վ իր կամքը պարտադրել։ Շանտաժի կամ մանիպուլյացիայի՞ է ենթարկում: Դուք ասում եք, որ օրգազմ չեք զգում, և նա նույնիսկ չի՞ էլ փորձում գոհացնել ձեզ։ Այս դեպքերում օգտագործեք խիստ և միանշանակ արտահայտություններ՝ «Ոչ», «Ինձ դուր չի գալիս», «Մի արա այդպես»: Խելամիտ մարդը կհասկանա ամեն ինչ և կսկսի լսել ձեզ: Իսկ եթե այս ամենին ի պատասխան՝ հետևում են սկանդալներ, շանտաժ, հարաբերությունների խզման կամ «դրսում» սեռական կյանքը կազմակերպելու մասին սպառնալիքներ, ուրեմն այդ հարաբերությունները անառողջ են: Եթե ​​զուգընկերոջ հետ խոսելը չի ​​օգնում, նա հրաժարվում է գնալ կոմպրոմիսի և տեղի ունեցածի մեջ որևէ խնդիր չի տեսնում, ապա միանշանակ խոսքը միայն սեռական հարաբերությունների մասին չէ: Այս իրավիճակից դուրս գալու լավագույն ելքն այն է, որ կարողանաք ռեսուրսներ գտնել ինքներդ ձեր մեջ, ստանալ սիրելիների աջակցությունը և պարզապես հեռանալ այդպիսի մարդուց: