«Հայկական Ժամանակ». Հայաստանը արտաքսեց հայերին, իսկ Թուրքիան ապաստան տվեց նրանց

Երեկ ՀՀ ազգային անվտանգության ծառայության մամուլի քարտուղար Արծվին Բաղրամյանը լրատվամիջոցներին «պարզաբանումներ» է տվել այն մասին, թե ինչու են Հայաստանից արտաքսել Սիրիայից ժամանած կանանց և երեխաներին: «Հայկական ժամանակ»-ը գրում է, որ, ըստ այդմ, նրանք արտաքսվել են, քանի որ հայ չեն, այլ ասորի են և մութ նպատակ են ունեցել Հայաստանի միջոցով գնալ ուրիշ երկիր:

ՀԺ–ն գրում է, թե ինչպիսի նենգ դավադրություն է: Ուշագրավ է, որ իր պարզաբանումներում ԱԱԾ պաշտոնյան չի հերքել, որ «Զվարթնոց» օդանավակայանում կանայք և երեխաները ենթարկվել են ծաղրի ու նվաստացման:

Երեկ արտաքսված ընտանիքի բարեկամներից թերթը տեղեկացել է, որ Թուրքիայում նրանց դիմավորել են բազմաթիվ լրագրողներ, որոնց ռեպորտաժների մեջ կարմիր թելի նման անցնում է «Հայաստանը արտաքսեց հայերին, իսկ Թուրքիան ապաստան տվեց նրանց» թեման:

Թերթը հավելում է նաև, որ ախր մերոնք շատ են «խելոք» ու «հեռատես»։