Ո՞ր պաշտոնյաներից են առավել շատ դժգոհ քաղաքացիները

Հեղափոխությունից հետո իշխանությունները հայտարարում էին, որ նախկին թալանչիներին օր ու դադար չի տրվելու, նրանք պատասխանատվության են կանչվելու օրենքի ողջ խստությամբ: Տպավորություն էր, որ, օրինակ, նույն նախկին պաշտոնյաների ապօրինություններից տուժած քաղաքացիները պետք է հերթեր կազմեն դատարանների մոտ իրենց իրավունքները արդար ու հեղափոխական դատարաններում վերականգնելու համար: Հերթերը, ինչ խոսք, կազմվել են, սակայն դատական հայցերի կիզակետում ոչ թե նախկիններն են, այլ ներկաները: 

Իր դեմ ներկայացված հայցերով բացահայտ առաջատար է Երևանի քաղաքապետարանը: Դատալեքս կայքում միայն 2020 թվականին քաղաքացիների բողոքները ընդդեմ քաղաքապետարանի կայացրած որոշումների անցնում են 100-ը: Հիմնական պահանջը, որը ներկայացվում է հայցվորների կողմից՝ այս կամ այն որոշումը անվավեր ճանաչելու պահանջն է: 

Երկրորդ տեղում է արդարադատության նախարարությունը: Հայցերի հիմքում որպես կանոն տեղեկատվություն և փաստաթուղթ տրամադրելու պահանջն է: 

Երրորդ տեղում է Զարա Բաթոյանի ղեկավարած Աշխատանքի և սոցիալական հարցերի նախարարությունը: 2020 թվականի ընթացքում քաղաքացիները այս կառույցի դեմ ավելի քան 36 դատական հայց են ներկայացրել: 

Չորրորդ տեղում է առողջապահության նախարարությունը, որի դեմ ներկայացված հայցերի մասով առաջատար է «Ագռո Ֆարմ» ՍՊԸ-ն: Պահանջը վերաբերվում էր 16.07.2019թ. թիվ 1946-Ա հրամանն անվավեր ճանաչելու, «Նուրոֆեն Էքսպրես դեղապատիճներ փափուկ 200մգ, /8/1*8/ բլիստերում» և «Նուրոֆեն Էքսպրես դեղապատիճներ փափուկ 200մգ, /16/2*8/ բլիստերում» դեղերի ներմուծման հավաստագիր տրամադրելուն պարտավորեցնելուն: 

Հինգերորդ տեղում է Շրջակա միջավայրի նախարարությունը: Հայցերը հիմնականում ներկայացվել են «Լիդիան Արմենիայի» և «Գրին Էներջի» ՍՊԸ-ի կողմից: Միայն 2020 թվականի ընթացքում նախարարության դեմ ներկայացվել է 12 դատական հայց։

 
Նիկոլ Փաշինյանի դեմ ներկայացրած հայցերը նույնպես քիչ չեն: Վարչապետի դեմ հայցեր են ներկայացրել Գագիկ Խաչատրյանը, Արթուր Վանեցյանը, Ռոբերտ Քոչարյանը, Արամ Օրբելյանը, Հրայր Թովմասյանը, Արթուր Դանիելյանը; 

ՀՀ ոստիկանության և Ճանապարհային ոստիկանության դեմ միայն 2020 թվականին ներկայացվել են 150-ից ավել հայցեր: Պահանջների առյուծի բաժինը վերաբերվում է ընդունված որոշումները անվավեր ճանաչելուն: 

Այս թեմայով ՀԻՄԱ․ Բարձրաստիճան պաշտոնյանները Երևանում են․ ընթանում է 3-րդ Եվրասիական Տնտեսական համաժողովը Երկուշաբթի Հակակոռուպցիոն դատարան կներկայանան ՀՀ երկրորդ նախագահ Ռոբերտ Քոչարյանը, նախկին փոխվարչապետն ու այլ պաշտոնյաներ․ գործի վերսկսում Երկուշաբթի Հակակոռուպցիոն դատարան կներկայանան ՀՀ երկրորդ նախագահ Ռոբերտ Քոչարյանը, նախկին փոխվարչապետն ու այլ պաշտոնյաներ․ գործի վերսկսում Երկուշաբթի Հակակոռուպցիոն դատարան կներկայանան ՀՀ երկրորդ նախագահ Ռոբերտ Քոչարյանը, նախկին փոխվարչապետն ու այլ պաշտոնյաներ․ գործի վերսկսում Հայաստանում բոլոր գժանոցները պետք է փակել, որովհետև դրանց կլիենտներն այլևս բարձրաստիճան պաշտոնյաներ են․ Սուրեն Սուրենյանց