Դավութoղլուն դիմել է ՄԱԿ-ին սիրիական ճամբարներ ստեղծելու պահանջով

Սիրիացի փախստականների ահռելի հոսքը Թուրքիա ստիպել է թուրքական իշխանություններին դիմել ՄԱԿ-ին` հատուկ ճամբարներ ստեղծելու խնդրանքով, հաղորդում է BBC Russian-ը։

Նշենք, որ Թուրքիայի արտգործնախարար Ահմեթ Դավութօղլուն բազմիցս հայտարարել է, որ այլևս անհնարին է հոգալ սիրիացի փախստականների խնդիրները։

«Ամեն օր սիրիական սահման է մուտք գործում ավելի քան 4 հազար սիրիացի, շուրջ 10 հազար մարդ սիրիական հատվածում իրենց ճակատագրին է սպասում»,- հայտարարել է Դավութօղլուն։

ՄԱԿ-ի անվտանգության խորհրդի հերթական նիստի ժամանակ Մեծ Բրիտանիայի արտաքին գերատեսչության ղեկավար Ուիլյամ Հեյգը՝ ի պատասխան Դավութօղլույի առաջարկի, պատճառաբանել է, որ ճամբարներ ստեղծելու գաղափարը մեծ խոչընդոտ է իրենից ներկայացնում։

ՄԱԿ-ը կրկին հանդես է եկել սիրիացիներին հատկացվող մարդասիրական օգնության ծավալներն ավելացնելու կոչով։

Հիշեցնենք, որ Սիրիական կառավարության և ընդդիմության հակամարտությունը շարունակվում է 2011 թ. մարտից և փաստացի վերածվել է քաղաքացիական պատերազմի։

Այդ ընթացքում զոհվել է ավելի քան 21 հազար մարդ։