Թալիբների հերթական հաշվեհարդարը. գլխատել են 12-ամյա տղայի

Աֆղանստանի հյուսիսում Թալիբան շարժման զինյալները գլխատել են 12-ամյա տղայի, հաղորդում է Радио Свобода-ն՝ հղում տալով Կանդագարի շրջանի իշխանությանը։

Կանդագարի նահանգապետարանի տվյալներով՝ հանցագործությունը կատարվել է չորեքշաբթի, երբ երեխան հոր կարգադրությամբ շտապել է տեղական շուկա։

Ճանապարհին նրան առևանգել են, իսկ քիչ ուշ մոտակայքում հայտնաբերվել է տղայի անգլուխ դին։ 

Իշխանությունները պնդում են, որ հաշվեհարդարի պատճառը երեխայի ոստիկան եղբայրն էր, ով մասնակցել է թալիբների դեմ պայքարին։

Նշենք, որ զինյալների կողմից առայժմ ոչ մի մեկնաբանություն չի ստացվել։