Ինչ պետք է լրագրողներն իմանան իրավաբանության մասին, իսկ իրավաբանները` լրագրության մասին. Արփինե Հովհաննիսյանի գրքի շնորհանդեսը (տեսանյութ)
Գիտություն և ՄշակույթԱյսօր` օգոստոսի 27-ին, «Կոնգրես» հյուրանոցում տեղի ունեցավ ՀՀ արդարադատության նախկին նախարար, ԵՊՀ իրավագիտության ֆակուլտետի դասախոս, դոցենտ Արփինե Հովհաննիսյանի համահեղինակությամբ հրատարակված գրքի շնորհանդեսը: Իր ելույթում Հովհաննիսյանը նշեց, որ «Մեդիա իրավունք» ուսումնական ձեռնարկը միայն հայկական իրականությանը վերաբերող գիրք չէ, այն նորույթ է ոչ միայն հայկական իրականության մեջ, այլև տարածաշրջանում՝ իր համապարփակության տեսանկյունից:
Նրա խոսքով՝ գիրքն օգտակար կարող է լինել թե՛ լրագրողների, թե՛ իրավաբանների համար. «Սա այն ամենն է, ինչ պետք է լրագրողներն իմանան իրավաբանության մասին, իսկ իրավաբանները` լրագրության մասին: Լրագրողը, որը կկարդա և կծանոթանա գրքում ներկայացված կարգավորումներին, ավելի պաշտպանված կլինի և, բերելով իր իմացությունը հանրային տիրույթ, իրավապահ մարմիններին կստիպի ուզենալով, թե չուզենալով կիրառել այդ պրակտիկան»,- ասաց Արփինե Հովհաննիսյանը:
Գրքի շնորհանդեսին հրավիրված էին մեծ թվով քաղաքական, հասարակական գործիչներ, նախկին և ներկա պաշտոնյաներ: Նրանց թվում էին «Միասնություն» շարժման ղեկավար Արման Վարդանյանը, ԱԺ նախկին փոխնախագահ, ՀՀԿ խոսնակ Էդուարդ Շարմազանովը, ՀՀԿ փոխնախագահ Արմեն Աշոտյանը, ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը և այլք:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
