Փաշինյանը կպատժի՞ Սասուն Խաչատրյանին. Արթուր Դավթյանի «աստեղային ժամը»

Սեպտեմբերի 4-ին տեղի է ունեցել Սահմանադրական բարեփոխումների մասնագիտական հանձնաժողովի հերթական նիստը: Պաշտոնական հաղորդագրության համաձայն` անդրադարձ է կատարվել ՀՀ դատախազության կարգավիճակի սահմանադրական հիմքերի բարեփոխումներին, ինչպես նաև քննչական մարմինների կարգավիճակի բերափոխումներին: 

Լրատվամիջոցներին հետաքրքրիր մանրամասներ են հայտնի դարձել սպասվող փոփոխություններից: Մասնավորապես, հայտնի է դարձել, որ մեծ փոփոխություններ են կատարվելու Գլխավոր դատախազի լիազորություններում՝ ընդհուպ նրա պաշտոնավարման ժամկետի հետ կապված: Սակայն, ամենագլխավոր քննարկվող հարցերից մեկն այն է, որ դատախազին տրվելու են քննչական գործողություններ անելու եւ մեղադրանք առաջադրելու լիազորություններ, եւ դրան զուգահեռ քննչական մարմինների լիազորությունները պակասեցվելու են: Իհարկե, սրանք նախնական քննարկումների արդյունքներն են, սակայն հանձնաժողովում գրեթե միասնական դիրքորոշում է ձևավորվել: 

Այս ամենից հետևում է, որ Նիկոլ Փաշինյանը դժգոհ է քննչական մարմինների և մասնավորապես ՀՔԾ–ի աշխատանքից: Սասուն Խաչատրյանը վերջին շրջանում մեկ կիքսը մյուսի հետևից է տալիս՝ նա չկարողացավ քրեական գործ հարուցել Վատիկանում ՀՀ նախկին դեսպան, Սերժ Սարգսյանի փեսա Միքայել Մինասյանի դեմ: Բացի այդ կես տարուց ավել է, ինչ ՀՔԾ-ն նոր բացահայտումներով հանդես չի գալիս և սենսացիոն մեղադրանքներ չի առաջադրում: Իսկ դա թերևս այն է, ինչ պետք է այս պահին Նիկոլ Փաշինյանին և վերջինս որոշել է լիազորությունների մի մեծ փաթեթ փոխանցել գլխավոր դատախազ Արթուր Դավթյանին, ով թեև նույնպես նախկին համակարգի մասնիկ է համարվում, ինչպես և Սասուն Խաչատրյանը, սակայն այս ընթացքում ապացուցել է, որ ավելի քան հոժարակամ է կատարել Նիկոլ Փաշինյանի հրահանգները՝ ԱԺ միջնորդությամբ մտնելը դրա ամենավառ ապացույցն է: 

Սակայն, Խաչատրյանի լիազորությունների կրճատման հիմքում կա ևս մեկ ուշագրավ քաղաքական ենթատեքստ: Չմոռանանք, որ Սասուն Խաչատրյանը հայտնի է սորոսական շրջանակների հետ իր սերտ կապերով, նրա եղբայրը հանդիսանում է ԲՀՀ Հայաստանի տնօրենների խորհրդի նախագահ: Հաշվի առնելով այն ներքին կոնֆրոնտացիայի փուլը, որում այսօր գտնվում են Փաշինյանը և սորոսականները` կարելի է ենթադրել, որ այս քայլով վարչապետը փորձում է նաև զգալի լծակներից զրկել սորոսականներին… 

Այս թեմայով Ցանկացած ճգնաժամ գիտելիքի պակասից է, մեր բոլոր պրոբլեմների լուծման բանալին կրթությունն է. Նիկոլ Փաշինյան Ամեն անգամ, երբ թվում է՝ ցինիզմը, այնուամենայնիվ, սահմաններ ունի, Փաշինյանը հակառակն է ապացուցում. Սուրեն Սուրենյանց Ինչու Փաշինյանը արհամարհեց Բայդենի «հրաժեշտի» ընդունելությունը․ Սուրեն Սարգսյան Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան