Կկայանա «Հայացք. Հայաստանի ժամանակակից արվեստ» պատկերագրքի շնորհանդեսը և ժամանակակից հայ արվեստագետների գործերի ցուցահանդես

Հայաստանի Հանրապետության անկախության 20 ամյակին նվիրված՝ ՀՀ մշակույթի նախարարության և ՄԱԿ-ի Զարգացման հայաստանյան գրասենյակի աջակցությամբ, դեկտեմբերի 12-ին, ժամը 15:00-ին, Հայաստանի նկարիչների միության ցուցասրահում տեղի կունենա «Հայացք. Հայաստանի ժամանակակից արվեստ» պատկերագրքի շնորհանդեսը և նրանում ներառված 36 ժամանակակից հայ արվեստագետների գործերի ցուցահանդեսը:

Պատկերագրքի հեղինակն է իտալաբնակ լրագրող և արվեստի մեկնաբան Ասիեհ Լ. Նասսեհի Ջավանը: Պատկերագրքում ընդգրկված են ավագ, անկախության սերնդի, ինչպես նաև վերջին տարիներին ասպարեզ ելած հայաստանաբնակ երիտասարդ արվեստագետներն, ովքեր հայ ժամանակակից արվեստի կայացման և զարգացման գործում զգալի ներդրում են ունեցել:

Հեղինակը Հայաստանի ժամանակակից արվեստը ներկայացնում է պատմական կտրվածքով և սերունդների միջև (1980-ականներից մինչև մեր օրերը) կապի տեսանկյունից:

Պատկերագրքում ընդգրկված արվեստագետներն են` Անիտա Առաքելյանը, Արման Գրիգորյանը, Արևիկ Արևշատյանը, Ռուբեն Գրիգորյանը, Գևորգ Սարգսյանը (Ճալա), Գրիգոր Խաչատրյանը, Կամո Նիգարյանը, Կարինե Մացակյանը, Համլետ Հովսեփյանը, Նարինե Զոլյանը, Սահակ Պողոսյանը, Սամվել Բաղդասարյանը, Հովհաննես Մարգարյանը, Վահան Ռումելյանը, Արա Պետրոսյանը, Ալեքսեյ Մանուկյանը, Արմինե Հովհաննիսյանը, Արշակ Սարգսյանը, Գարիկ Ենգիբարյանը, Դիանա Հակոբյանը, Դավիթ Կարեյանը, Էդգար Ամրոյանը, Լևոն Ֆլջյանը, Կարեն Օհանյանը, Կարեն Ալեքյանը, Կարեն Բարսեղյանը, Հրաչ Վարդանյանը, Մերի Մունը, Մհեր Ազատյանը, Նանա Արամյանը, Նարեկ Ավետիսյանը, Սարգիս Հովհաննսիսյանը, Սոնա Աբգարյանը, Վահագն Ղուկասյանը, Օվսաննա Շեկոյանը, Սերգեյ Նարազյանը: