Սիրիական ապստամբները սպառնացել են, որ կկրակեն քաղաքացիական ինքնաթիռների վրա

Սիրիական ազատ բանակը զգուշացրել է, որ սեպտեմբերի 3-ից կսկսի հարված հասցնել Դամասկոսի և Հալեպի օդանավակայանների քաղաքացիական ինքնաթիռներին։ Այս մասին շաբաթ օրը հաղորդել է Bloomberg գործակալությունը՝՝ վկայակոչելով Asharq Al-Awsat թերթը։
Ինչպես նշում են ապստամբների ներկայացուցիչները, նախատեսված չվերթերը օգտագործվում  են սիրիական իշխանությունների կողմից զենքի փոխադրման համար, ինչը անօրինական գործողություն է:

Ընդ որում, շատ օպերատորներ զգալիորեն նվազեցրել կամ չեղյալ են հայտարարել թռիչքները դեպի Սիրիա այն ժամանակ, երբ 2011 թ. Արաբական պետությունների լիգան պատժամիջոցներ է կիրառել այդ երկրի նկատմամբ։ Նշենք, որ վերջերս Etihad Airways ավիաընկերությունը հրաժարվել է թռիչքներ կատարել դեպի Սիրիա, իսկ հուլիս ամսին  թռիչքները դեպի Դամասկոս և Հալեպ դադարեցրել է Royal Jordanian Airlines ավիաընկերությունը։

Հիշեցնենք, որ ըստ իրավապաշտպանների՝ Սիրիայի նախագահի կողմնակիցների և ապստամբների միջև հակամարտության ընթացքում, որը սկսվել է 2011-ին, զոհվել է ավելի քան 23 հազար մարդ: