«Թավշյա» պաշտոնյաների PR-ը՝ նախորդների ձեռքբերումների հաշվին. մաս 5

Նոր Հայաստանի պետական պաշտոնյաները շարունակում են ներկայացնել իրենց աշխատանքի կատարողականները և հպարտանալ ձեռքբերումներով: Իհարկե, այդ ամենը կլիներ տրամաբանական, եթե չլիներ մեկ բայց. որպես կանոն, թավշյա պաշտոնյաների ձեռքբերումների առյուծի բաժինը, անգամ մեծագույն ցանկության դեպքում, հնարավոր չէ վերագրել իրենց: Դիցուք՝ այսօր կանդրադառնանք Լոռու գործող մարզպետ Անդրեյ Ղուկասյանին և նրա նախորդին՝ ՀՀԿ-ական Արթուր Նալբանդյանին: 

Դեռևս 2017-ից ընթացքի մեջ էին Մ6 Վանաձոր-Ալավերդի-Վրաստանի սահման միջպետական ավտոճանապարհի առաջին փուլով նախատեսված հիմնանորոգման աշխատանքները, որոնց պայմանագրային ընդհանուր արժեքը կազմում է 15.45 մլրդ դրամ: Մ-6 միջպետական նշանակության ճանապարհի հիմնանորոգման և Վանաձոր համայնքի փողոցների վերանորոգման արդյունքում Վանաձոր քաղաքում ամբողջովին բարելավվել է Մ-6 և Մ-8 միջպետական նշանակության ճանապարհները կապող փողոցների վիճակը: Այսօր դրանով հպարտանում է գործող մարզպետը: 

Վանաձորում գործող կարկտապաշտպան ցանցերի գործարանը կառուցվել է դեռևս նախկին մարզպետ Արթուր Նալբանդյանի ղեկավարման շրջանում, սակայն փիառվում են դրա ֆոնին գործող մարզպետն ու իր թիմը: 

Լոռու մարզպետ Անդրեյ Ղուկասյանի նպատակն է Արամյանցի դղյակը և հարակից տարածը վերածելու զբոսաշրջային հանգրվանի: Միևնույն ժամանակ չմոռանանք, որ դեռևս կառավարության 2016 թվականի դեկտեմբերի 15-ի որոշմամբ դղյակը ընդգրկվել է պատմության և մշակույթի անշարժ հուշարձանների պետական ցանկում և ստացել պատմամշակութային հուշարձանի կարգավիճակ: 2017-ին էլ պայմանավորվածություն էր ձեռք բերվել Տաշիր բարեգործական հիմնադրամի ղեկավար Վահե Կարապետյանի հետ՝ Արամյանցի տունը վերանորոգելու շուրջ: 

Անդրեյ Ղուկասյանը վերջերս էլ այցելել էր Ինժեներական համաժողով-ցուցահանդեսըՎանաձորի տեխնոլոգիական կենտրոնում` նշելով, որ Հայաստանը դառնում է ինժեներական ամենաբարդ հարցերի լուծումներն առաջարկող կենտրոն: Միևնույն ժամանակ նշենք, որ այդ կենտրոնի բացումը տեղի է ունեցել դեռևս նախորդ մարզպետի ղեկավարման տարիներին: 

Նախորդ իշխանությունների օրոք էլ որոշում էր կայացվել առ այն, որ Լոռու մարզում կկառուցվի տարածաշրջանում ամենամեծ ճոպանուղին, այսօր, սակայն, դրա հավանական հեռանկարային գրավչությամբ պարծենում են գործող իշխանությունները: 

Լոռու մարզի Ջրաշեն համայնքում բնակարաններ բաժանող վարչապետն ու մարզպետը նաև պետք է հիշեն, որ Ջրաշենում բնակարանները կառուցվել են կառավարության 2018 թվականի աղետի գոտու բնարականաշինության ծրագրի շրջանակում: 

Լոռու մարզում 2018թ.-ին «Արդյունաբերություն, մասնավոր հատված» ոլորտում նախատեսվում էր 44 մլրդ դրամի ներդրումային ծրագրեր, որից հանքարդյունաբերությունում՝ 7.95 մլրդ դրամ, իրանական «Ռադ Սանե Վաշամիր գրուպ» ՍՊԸ գազաբալոնների և կարբոնի գործարանի հիմնադրման նպատակով՝ 32.5 մլրդ դրամ, զբոսաշրջության ոլորտում՝ 3.2 մլրդ դրամ արժողությամբ։ Այսօր Անդրեյ Ղուկասյանը այցելում է իրանական «Ռադ Սանե Վաշամիր գրուպ»-ի գործարան՝ ծանոթանալու վերջինիս աշխատանքներին, սակայն ոչ ներդրումների ներգրավման, ոչ կառուցման հետ գործող մարզպետը որևէ առնչություն չունի: 

Վանաձորի բժշկական համալիր կենտրոնը, որի բացմանը ներկա էր մարզպետը, նույնպես կառուցվել է Արթուր Նալբանդյանի ղեկավարման տարիներին: 

Այս թեմայով ՀԻՄԱ․ Բարձրաստիճան պաշտոնյանները Երևանում են․ ընթանում է 3-րդ Եվրասիական Տնտեսական համաժողովը Երկուշաբթի Հակակոռուպցիոն դատարան կներկայանան ՀՀ երկրորդ նախագահ Ռոբերտ Քոչարյանը, նախկին փոխվարչապետն ու այլ պաշտոնյաներ․ գործի վերսկսում Երկուշաբթի Հակակոռուպցիոն դատարան կներկայանան ՀՀ երկրորդ նախագահ Ռոբերտ Քոչարյանը, նախկին փոխվարչապետն ու այլ պաշտոնյաներ․ գործի վերսկսում Երկուշաբթի Հակակոռուպցիոն դատարան կներկայանան ՀՀ երկրորդ նախագահ Ռոբերտ Քոչարյանը, նախկին փոխվարչապետն ու այլ պաշտոնյաներ․ գործի վերսկսում Հայաստանի և Ադրբեջանի սահմանազատման հանձնաժողովների համատեղ գործունեության կանոնակարգի վերաբերյալ ՀՀԿ Գործադիր մարմինը հայտարարություն է տարածել