Գործադուլի պատճառով կասեցված թռիչքների քանակը գնալով ավելանում է

Գերմանիայի հիմնական ավիափոխադրող Lufthansa-ն ստիպված էր չեղյալ հայտարարել 18 թռիչք, այն բանի պատճառով, որ նախորդ օրը Ֆրանկ‎ֆուրտում գործադուլ էր հայտարարել ուղեկցորդների անձնակազմը,-ասել է օդանավակայանի խոսնակը,- գրում է France 24-ը:

Այն բանից հետո, երբ ուրբաթ օրը գործադուլը ավարտվեց, ծանրաբեռնվածությամբ աշխարհում երրորդը համարվող Ֆրանկ‎ֆուրտի օդանավակայանում օդանավերը ճիշտ տեղերում չէին, իսկ անձնակազմը անհասանելի էր, -ասել է խոսնակը՝ ավելացնելով, որ սպասվում էր, որ օրվա ընթացքում օդային երթևեկությունը պետք է կարգավորվեր:

Նշենք, որ գործադուլի հետևանքով ավիափոխադրողը ստիպված էր չեղյալ հայտարարել 360 չվերթից 190-ը, որոնք հիմնականում փոքր հեռավորության ներքին չվերթներ էին:

Ընդհանուր առմամբ այս ամենից տուժել է շուրջ 26000 ուղևոր: