ՀՀ ԱԺ պատվիրակությունը` ԼՂՀ-ում (լուսանկարներ)

Հայաստանի Հանրապետության պատվիրակությունը`ՀՀ ԱԺ նախագահ Հովիկ Աբրահամյանի գլխավորությամբ, սեպտեմբերի 2-ին Ստեփանակերտում մասնակցել է Լեռնային Ղարաբաղի Հանրապետության անկախության հռչակման 21-րդ տարեդարձին նվիրված տոնական միջոցառումներին:

ԱԺ մամլո բաժնի տեղեկացնում են, որ առավոտյան ՀՀ պատվիրակությունը ԼՂՀ քաղաքական և զինվորական բարձրագույն ղեկավարության հետ միասին Արցախի մայրաքաղաքի Վերածննդի հրապարակից քայլերթով ուղևորվել է դեպի Ստեփանակերտի հուշահալիր, որտեղ ծաղկեպսակ ու ծաղիկներ են դրել Արցախի ազատության ու անկախության համար զոհվածների հուշակոթողին և ազատամարտիկների շիրիմներին:

ՀՀ պատվիրակությունը մասնակցել է կազամկերպված տոնական միջոցառումներին, այցելել Շուշի: Քաղաքի մատույցների մոտ գտնվող հուշակոթողին պատվիրակության անդամները ծաղիկներ են դրել ու հարգանքի տուրք մատուցել հերոս ազատամարտիկների հիշատակին, ապա ծաղիկներ դրեցին Վազգեն Սարգսյանի հուշարձանին, այցելեցին Շուշիի Սուրբ Ամենափրկիչ Ղազանչեցոց մայր տաճար:

Լրագրողների հետ կարճատև զրույցում ԱԺ նախագահ Հովիկ Աբրահամյանը մեկ անգամ ևս շնորհավորել է արցախցիներին և ողջ հայ ժողովրդին` ԼՂՀ անկախության հռչակման տարեդարձի կապակցությամբ:

Պատվիրակության կազմում են ՀՀ փոխվարչապետ Արմեն Գեւորգյանը, ԱԺ փոխնախագահ Էդուարդ Շարմազանովը, Երեւանի քաղաքապետ Տարոն Մարգարյանը, պատգամավորներ Գալուստ Սահակյանը, Ռուբիկ Հակոբյանը, Վարդան Այվազյանը, Արտակ Զաքարյանը, Կորյուն Նահապետյանը, Էլինար Վարդանյանը, Մարգարիտ Եսայանը, Նաիրա Կարապետյանը, Արթուր Գեւորգյանը, Միքայել Մելքումյանը, Վահան Հովհաննիսյանը, Հովհաննես Մարգարյանը, գյուղատնտեսության նախարար Սերգո Կարապետյանը, Գեղարքունիքի մարզպետ Ռաֆիկ Գրիգորյանը, Սյունիքի մարզպետ Սուրիկ Խաչատրյանը, պաշտոնատար այլ անձինք:

ՀՀ պատվիրակությունը Երևան կվերադառնա այսօր երեկոյան:

{gallery}aj{/gallery}