Երևան–Արմավիր ավտոճանապարհին տեղի է ունեցել աննխադեպ ՃՏՊ

Սեպտեմբերի 2–ին, 19։49–ի սահմաններում' Երևան-Արմավիր ավտոճանապարհի 23–րդ կմ–ի վրա տեղի է ունեցել ՃՏՊ, կան տուժածներ, հայտնել են ԱԻՆ լրատվական ծառայությունից։

Դեպքի վայր մեկնած մարտական հաշվարկը պարզել է,որ առեղծվածային հանգամանքներում իրար են բախվել են «ՊԱԶ» մակնիշի 1324Լ պ/հ (վարորդ' 1961 թ. ծնված Կ. ասատրյան), BMW մակնիշի 33 VԼ 215 պ/հ (վարորդ' 1984 թ. ծնված Գ.Ավետիսյան), «Օպել Վեկտրա» մակնիշի 09ՕՏ083 պ/հ (վարորդ' 1974 թ. ծնված Հ. Օզմանյան), BMW մակնիշի 11ՕՏ924 պ/հ (վարորդ' 1989 թ. ծնված ա. ավետիսյան) եւ «Օպել»մակնիշի 14 ՕՍ 779 պետհամարանիշերի (վարորդ' 1980 թ. ծնված Մ. Ուսնունց) ավտմեքենաները։

Նշենք, որ մինչ փրկարարների դեպքի վայր ժամանելը' BMWմակնիշի 33 VL 215 պ/հ ավտոմեքենայի վարորդ Գ.Ավետիսյանը եւ ուղեւոր Հ. Մինասյանը (ծնվ.1995թ.) տարբեր աստիճանի մարմնական վնասվածքներով տեղափոխվել են Մեծամոր քաղաքի հիվանդանոց: Բժիշկները հիվանդների առողջական վիճակը գնահատել են բավարար։