Լեռնային Ղարաբաղի հարցով ԵԱՀԿ Մշտական խորհրդի նիստը տեղի է ունեցել Հունաստանի պահանջով
Արտաքին Քաղաքական
Երեքշաբթի երեկոյան Հունաստանի խնդրանքով տեղի ունեցավ ԵԱՀԿ Մշտական խորհրդի արտահերթ նիստ Լեռնային Ղարաբաղում իրավիճակի վերաբերյալ, ասվում է Հունաստանի արտգործնախարարության կայքում չորեքշաբթի օրը հրապարակված հաղորդագրության մեջ: Նշվում է, որ երկրի արտաքին գործերի նախարար Նիկոս Դենդիասը ԵԱՀԿ նախագահող Ալբանիային ուղղված իր նամակում պահանջել է ժողով գումարել: «Հունական նախաձեռնությունը նպատակ ունի ԵԱՀԿ շրջանակներում քննարկում անցկացնել ներգրավված երկու կողմերի մասնակցությամբ և դիտարկել ճգնաժամը կանխելու բոլոր հնարավոր ուղիները: Նպատակը Մինսկի խմբում բանակցությունների վերսկսումն է վեճի խաղաղ կարգավորման շուրջ», - շեշտել է ԱԳՆ-ն: Հունական կողմը շեշտել է, որ «ճգնաժամի լուծումը հնարավոր է միայն խաղաղ ճանապարհով, բանակցությունների միջոցով, և ոչ երբեք զինված ճանապարհով»: «Հունաստանը դատապարտում է երրորդ կողմի ցանկացած միջամտություն, որը խթանում է լարվածությունը: Այս համատեքստում Թուրքիան պետք է զերծ մնա այդ ուղղությամբ արվող գործողություններից և հայտարարություններից», - ասված է հայտարարության մեջ:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
