BBC. Խոդորկովսկին կոչ է անում ռուսաստանցիներին ձևավորել ակտիվ քաղաքացիական հասարակություն

Միխայիլ Խոդորկովսկին «Ведомости» թերթին տված հարցազրույցում, մեկնաբանել է Ռուսաստանի վարչապետ Վլադիմիր Պուտինի նախագահի պաշտոնին վերադառնալու մտադրությունները։

«Ռուսաստանի կառավարող էլիտան արդեն սպառել է իր «Մոդեռնիզացիա» կոչվածի ռեսուրսները և այլևս ի վիճակի չէ այն կյանքի կոչելու։ Ռուսաստանցիները պետք է հասկանան, որ իշխող վերնախավը վերջնականապես սպառել է արդյունավետ կառավարման բոլոր ռեսուրսները։ Եկել է ակտիվ քաղաքացիական հասարակություն ձևավորելու ժամանակը։ Ես ողջունում եմ բոլոր քաղաքացիական նախաձեռնությունները և կոչ եմ անում ռուսաստանցիներին ակտիվ մասնակցել քաղաքական և ընտրական գործընթացներին, ինչը ես համոզված եմ կքանդի նախորդ համակարգից ժառանգած աներևույթ պատը, որը խանագարում է Ռուսաստանի զարգացմանը» ,– ասել է «ЮКОС» ընկերության նախկին ղեկավարը։

Ըստ Խոդորկովսկու Ռուսաստանի միակ ճանապարհը քաղաքացիական հասարակության ձևավորման գործում ռուսաստանցիների ակտիվ մասնակցությունն է։

«Հիմնական խնդիրը կայանում է, որ մարկիկ համախմբվեն և պաշտպանեն իրենց քաղաքացիական իրավունքները։ Քանի որ ժամանակակից սոցիալական միջավայրի ձևավորմանը մենք կարող ենք հասնել միայն ակտիվ քաղաքացիական հասարակություն ունենալու դեպքում, ինչը կնպաստի ներդրումների աճին և սոցիալական հավասարության վերականգմանը», – կոչ է արել Խոդորկովսկին։

Հիշեցնենք, որ Խոդորկովսկին և նրա գործընկեր Պլատոն Լեբեդևը «ЮКОС»–ի առաջին գործով արդեն յոթ տարի է կալանավորված են խարդախության և հարկերից խուսափելու համար։ Հաշվի առնելով Մոսկվայի քաղաքային դատարանի վերջին որոշումը՝ Խոդորկովսկուն երկրորդ անգամ մեղադրեցին խոշոր չափերի հասնող տնտեսական հանցագործությունների մեջ և նրա խափանման ժամկետը երկարաձգվեց մինչև 2016 թվականը։