Պահն է օրակարգ բերելու Լեռնային Ղարաբաղի ճանաչման հարցը. Ստյոպա Սաֆարյան

Lurer.com-ը հարց ուղղեց «Ժառանգություն» կուսակցության գլխավոր քարտուղար Ստյոպա Սաֆարյանին՝ հնարավո՞ր է կուսակցությունը ԼՂՀ ճանաչման մասին օրենսդրական նախաձեռնությամբ նորից հանդես գա, արդյոք հիմա հարմար առի՞թ է այդ նախաձեռնության համար։ Վերջինը պատասխանեց. «Ոչ թե առիթ է, այլ ուղղակի տեղի ունեցածը ևս մեկ անգամ փաստում է, թե ինչ հետևանքների կարող է հանգեցնել անհամարժեք վերաբերմունքը Ղարաբաղյան խնդրին: Սա նաև հետևանք է չճանաչման և շատ ավելի բարդ իրավիճակներում՝ Կոսովոյի անկախության շրջանում, Հաագայի միջազգային դատարանի կողմից որոշման ընդունման շրջանում:

Հիմա, այո, թեկուզև ուշացած, բայց կարծում եմ՝ պահն է օրակարգ բերելու ճանաչման խնդիրը և ճանաչելու Լեռնային Ղարաբաղի հարցը»։

Լրագրողի այն դիտարկմանը, թե հնարավո՞ր է, որ մոտակա ժամանակ հանդիպում լինի խմբակցությունների հետ, Սաֆարյանը նշեց, որնման բան ասել չի կարող: «Դա խնդիր է, որը պետք է քննարկվի կուսակցության շրջանակներում և, հետևաբար, այդ առումով դեռևս պատասխանել հնարավոր չէ, բայց այն, որ Լեռնային Ղարաբաղի ճանաչման օրինագիծը մնում է «Ժառանգության» օրակարգում, դրանում որևէ կասկած չկա»,-եզրափակեց նա։