Բուժսպասարկում` ՀՀ ԱԻՆ հարկի տակ
Հասարակություն
Այսօր տեղի կունենա ՀՀ ԱԻՆ պոլիկլինիկայի պաշտոնական բացումը։ Պոլիկլինիկայի նպատակը նախարարության անձնակազմի, փրկարար ծառայողների, նրանց ընտանիքների ու կենսաթոշակառուների բժշկական ապահովումն է։
Պոլիկլինիկայում կիրականացվի նաև փրկարար ծառայողների ռազմաբժշկական փորձաքննություն և ամենամյա բուժկանխարգելիչ հետազոտություն։
Նախարարության շենքին հարակից մասնաշենքի առաջին հարկն ամբողջությամբ հատկացվել է պոլիկլինիկային։ Այն հիմնովին վերանորոգվել է ու կահավորվել համապատասխան սարքավորումներով։ Պոլիկլինիկան կունենա նաև շտապօգնության 2 ավտոմեքենա։
Աղետների ու ռազմական դրության ժամանակ ստացիոնար պոլիկլինիկայի բազայի վրա կծավալվի դաշտային հոսպիտալ' փրկարարներին և տուժած բնակչությանը մասնագիտական բժշկական օգնություն ցուցաբերելու համար։
ԱԻՆ պոլիկլինիկայում կգործեն վիրաբուժական, թերապևտիկ, աչքի, նյարդաբանական, ատամնաբուժական, սոնոգրաֆիկ, սրտաբանական սենյակներ, վիրակապարան, կլինիկական և բիոքիմիական լաբորատորիաներ։ Կա նաև դեղատուն, 2 մահճակալով ստացիոնար հիվանդասենյակ և առաջին բուժօգնության լսարան, որտեղ դասընթացներ են անցկացվելու պարամեդիկների և ԱԻՆ ճգնաժամային կառավարման պետական ակադեմիայի ուսանողների համար։
Ապագայում նախատեսվում է կառուցել նաև ֆիզիոթերապևտիկ և վերականգնողական կենտրոն։
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
