ՀՀ–ում արգելվում է որսն իրականացնել արգելված որսագործիքներով և միջոցներով. զգուշացում

ՀՀ բնապահպանության նախարարության աշխատակազմի բնապահպանական պատական տեսչությունը ս.թ օգոստոսի 29-ին ՀՀ Տավուշի և Լոռու մարզերում տեսչական ստուգումների ընթացքում հայտնաբերել է արգելված եղանակով իրականացվող որս:

Բնապահպանական տեսչական խումբն առգրավել է 147 հատ կենդանի լոր և արգելված տեսակի որսագործիքները՝ ցանցեր, լուսարձակներ:

Կազմվել են համապատասխան արձանագրություններ, հաշվարկվել է բնությանը հասցված վնասը, ինչը կազմել է 294 հազ. դրամ, գործը գտնվում է վարչական վարույթում:

Ապօրինի որս իրականացրած անձինք կհրավիրվեն ՀՀ բնապահպանության նախարարության ԲՊ տեսչություն՝ վարչական վարույթ իրականացնելու համար:

Օգոստոսի 30-ին կազմակերպվեց կենդանի լորերի բաց թողումը մայր բնություն:

ՀՀ բնապահպանության նախարարության բնապահպանական պետական տեսչությունը մշտական հսկողություն է իրականացնում ՀՀ որսահանդակներում:

ՀՀ բնապահպանության նախարարությունը մեկ անգամ ևս զգուշացնում է՝ Հայաստանի Հանրապետությունում արգելվում է որսն իրականացնել արգելված որսագործիքներով և միջոցներով: