Վաղ առավոտյան ամեն ինչ սկսեց սաստկանալ․ Հովհաննիսյան

Առավոտյան հակառակորդը լայնածավալ հարձակում է սկսել հարավային ուղղությամբ։ Այս մասին այսօր՝ հոկտեմբերի 5-ին, ճեպազրույցում ասաց Արծրուն Հովհաննիսյանը։ 

«Մեր զորքերը համառ մարտեր են մղում հետ շպրտելով հակառակորդին։ Նույն ժամանակ ինտենսիվորեն Ադրբեջանի զինված ուժերը սկսել են հրթիռակոծել Ստեփանակերտ քաղաքը։ Այս պահին տուժածների մասին ճշգրտումներ են կատարվում։ Ռազմաճակատում գիշերը համեմատաբար հանգիստ է եղել, բայց վաղ առավոտյան ամեն ինչ սկսեց սաստկանալ։ Քիչ առաջ ապատեղեկատվություն տարածվեց ադրբեջանական կողմից, թե իբր Հայաստանի Հանրապետության որոշ շրջաններից հրթիռակոծվում են ադրբեջանական նշանակետերը, մենք հայտարարեցինք, որ դա ապատեղեկատվություն է, այն տեսանյութը, որ իրենք հրապարակել են, չի երևում, թե հրթիռակոծությունը որտեղից է կիրառվում և դեռ հարց է Հայաստանից է, թե Արցախից, թե ընդհանրապես այլ վայրից»,-ասաց Հովհաննիսյանը։