Ռուսաստանի, Ֆրանսիայի և ԱՄՆ-ի արտգործնախարարները նոր հայտարարություն են նախապատրաստում Ղարաբաղի վերաբերյալ․ Լավրով

Ռուսաստանը, ԱՄՆ-ն և Ֆրանսիան Արտաքին գործերի նախարարների համատեղ հայտարարություն են պատրաստում Լեռնային Ղարաբաղի շուրջ ստեղծված իրավիճակի վերաբերյալ, հայտարարել է Ռուսաստանի արտաքին գործերի նախարար Սերգեյ Լավրովը: «Հիմա մենք պատրաստում ենք հայտարարություն երեք երկրների արտգործնախարարների կողմից, բայց, իհարկե, պետք է մտածել ոչ միայն հայտարարությունների, այլ նաև այն կոնկրետ քայլերի մասին, որոնք կարելի է ձեռնարկել արյունահեղությունը դադարեցնելու և իրավիճակը բանակցությունների սեղան վերադարձնելու համար», - ասել է նախարարը: