Հրդեհը տարածվում է՝ ձախողելով արձակուրդի ծրագրերը

Լոս Անջելեսի հյուսիս-արևելքում մոլեգնող հրդեհը փչացրել է Աշխատանքի օրվա առիթով լոս Անջելեսի ազգային անտառ ժամանած հազարավոր այցելուների արձակուրդը,-գրում է ABC News-ը:

Հանգստացողները հույս ունեին երկուշաբթի օրը անցկացնել բնության գրկում: Փոխարենը նրանք հանդիպեցին ճանապարհային արգելքների, քանի որ անտառի մի լայնատարած հատված փակ էր այցելուների համար՝ չնայած այն բանին, որ հըդեհը դեռևս չէր սպառնում բնակելի տարածքներին:

Վիկտոր Սալդանա կրտսերն իր մեքենան լցրել էր սառը սնունդով և ըմպելիքներով և շարժվում էր դեպի լեռներ, երբ ստիպված եղավ շտապ ետ շրջվել:
«Ես ազատ օր էի ստացել իմ աշխատավայրում, և մենք ակնկալում էինք մի հաճելի օր անցկացնել այդ օրը,-ասել է Սալդանան:-Շատ լավ է, որ կառավարությունը կանխարգելիչ միջոցառումներ է կազմակերպում, բայց միևնույն ժամանակ դա կործանում է մեր բոլոր նախագծերը՝ կապված արձակուրդների հետ»:
Կրակը ճամբարում բռնկվելուց հետո ավելի է տարածվել՝ ներառելով ավելի քան 3600 ակր:

«Պաշտոնատար անձինքերկուշաբթի առավոտյան կազմել են հատուկ խումբ, որպեսզի մոլեգնող հրդեհի դեմ պայքարելու ռազմավարության նախագիծ մշակեն»,- ասել է ԱՄՆ անտառային ծառայության խոսնակ Էնջի Լավելը:
Միայն թեթև քամիներ են փչում տարածքում, ինչի հետևանքով կրակը ավելի է տարածվում դեպի անտառային գոտի՝ հեռացնելով կրակը կարևոր կառույցներից:Այս անտառային զանգվածը մեծ ժողովրդականություն է վայելում տեղի բնակիչների մոտ, քանի որ այն բավականին մոտ է խիտ բնակեցված տարածքներին:

Սեփական տները, վերականգնողական կենտրոնները, ճամբարները, որոնք սովորաբար ընդունում են շուրջ 12000 այցելու, շաբաթվա վերջին ազատ օրերին տարհանվել են:

Մասնավոր տների 75 բնակիչներից 30-ը որոշել են մնալ իրենց տներում:
68-ամյա Դենիել Բարեսը նշում է, որ ինքը երբեք չի լքի իր տունը, եթե նույնիսկ կրակը շատ մոտենա իր տանը. «Ես Վիետնամի վետերան եմ, այնպես որ դա ինձ բացարձակ չի վախեցնում»:

Կարմիր Խաչն իր հերթին տարհանում է կազմակերպել Գլենդորայի Բարձրագույն դպրոցում: Պաշտոնյաները պնդում են, որ բոլոր ճամբարները, որոնք նույնիսկ հեռու են կրակի գծից, պետք է դատարկվեն, որպեսզի այս տարածք ելումուտ ունենան միայն հրշեջները և հրշեջ տեխնիկան:

300 հրշեջներին օգնում են 6 ուղղաթիռ, որոնք մատակարարում են ջուր, ինքնաթիռ և այլ հրշեջ տեխնիկա:

Կրակի բռնկման պատճառը դեռ հայտնի չէ, կատարվում է հետաքննություն:Մեկ այլ հրդեհի օջախ  առաջացել կիրակի օրը Լոս Պադրես ազգային անտառի Վենտուրա շրջանում: Այն ներառել էր 30 ակր տարածք, և հրշեջներին հաջողվեց մարել կրակը: