Մենք պատրաստ ենք ճանաչել Արցախի հանրապետության անկախությունը. Ադամ Շիֆ (տեսանյութ)

Կարծում եմ, որ Միացյալ Նահանգները պետք է Ադրբեջանին և Թուրքիային հասկացնեն, որ եթե նրանք շարունակեն բռություն գործադրել, այլ ոչ թե ընդունեն խնդրի խաղաղ կարգավորումը, մենք պատրաստ ենք ճանաչել Արցախի հանրապետությունը՝ որպես անկախ պետություն՝ խոստանալով աշխատել միջազգային հանրության հետ`«նույնին հասնելու վեաբերյալ», - ասել է ԱՄՆ Ներկայացուցիչների պալատի անդամ Ադամ Շիֆը, հայտնում է Asbarez-ը: Այս մասին Շիֆը հայտարարեց հինգշաբթի օրը ԱՄՆ-ում Հայաստանի դեսպան Վարուժան Ներսեսյանի հետ ունեցած զրույցի ընթացքում։ «Մենք քննարկել ենք Ադրբեջանի շարունակական ռազմական արշավը, որին աջակցում են Թուրքիան և այն օտարերկրյա զինվորները, որոնք նա բերում է Սիրիայից, և որի արդյունքում զոհվել են հարյուրավոր մարդիկ և տեղահանվել Արցախի քաղաքացիական բնակչության կեսը: Մենք քննարկել ենք նաև Շուշի քաղաքում պատմական հայկական եկեղեցու՝ Ղազանչեցոց տաճարի՝ Ադրբեջանի կողմից կանխամտածված ռմբակոծությունը», - ասել է Շիֆը: «Նախագահներ Ալիևը և Էրդողանը պետք է հասկանան, որ իրենք չեն կարող լուծել տասնամյակների սահմանային վեճը՝ չնայած անխնա ուժի գործադրմանը խաղաղ բնակիչների դեմ, և ԱՄՆ-ը ձեռքերը ծալած չի մնա, երբ փորձեն դա անել: Այս վեճի միակ լուծումը կարող է լինել բանակցությունները, այլ ոչ թե հրետանային ու ռումբերով անձրևները հայ քաղաքացիների վրա», - ասել է Շիֆը: