Սիրիայում մահափորձ է կատարվել Ադրբեջան գրոհայիններ ուղարկող ահաբեկչական խմբավորման ղեկավարի վրա

«Համզա» ահաբեկչական խմբավորման ղեկավար Աբու Ջաբերը, ով Թուրքիայի կողմից նշանակվել էր զինյալներ կենտրոնացնելու և Ադրբեջան ուղարկելու համար, ծանր վիրավորում է ստացել իր ավտոմեքենայի մեջ տեղադրված ռումբի պայթյունից։ Այս մասին Թվիթերի իր էջում հայտնում է լրագրող Լինդսի Սնելլը։ ««Համզայի» զինյալներից մեկը հայտնում է, որ դա Ադրբեջանում զոհված սիրիացի զինյալի ընտանիքի կողմից կազմակերպված մահափորձ է»,֊գրել է Սնելլը։