Թուրքիայի նախագահը սպառնում է վրեժխնդիր լինել ահաբեկիչների հովանավորներից
Թուրքիա
Թուրքիայի նախագահ Աբդուլլա Գյուլը և վարչապետ Ռեջեփ Թայիփ Էրդողանը հանդես են եկել հայտարարությամբ՝ Շիրնակում տեղի ունեցած ահաբեկչական հարձակման հետ կապված. ահաբեկչության արդյունքում զոհվել է 10 թուրքական զինծառայող. հաղորդում է 1news.az-ը:
Գյուլը խորին ցավակցություն է հայտնել երկիրը ցնցած ողբերգության առիթով և ընդգծել, որ տեղի ունեցածի մեղավորները չեն խուսափի պատասխանատվությունից: Պետության ղեկավարը համոզմունք է հայտնել, որ ահաբեկիչներին հովանավորող ներքին և արտաքին ուժերը սխալ ընտրություն են կատարել և կպատժվեն իրենց հանցագործությունների համար:
Գյուլի խոսքերով Թուրքիայի միասնությունը ոչնչացնելու բոլոր փորձերը դատապարտված են ձախողման և որ Թուրքիան շարունակում է պայքարն ահաբեկիչության դեմ: Նախագահը երախտագիտություն է հայտնել ահաբեկչության դեմ պայքար մղող անվտանգության ուժերին և ցավակցել զոհվածների ընտանիքներին:
Վարչապետ Էրդողանն իր հերթին նշել է, որ բոլորը պետք է իմանան այն մասին, որ Թուրքիան առավել վճռական պայքար է մղելու ահաբեկչության դեմ:
«Հավատուրաց հանցագործներին չի հաջողվի մեզ շփոթեցնել»,-հայտարարել է նա:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
