Թուրքիան պետք է անհապաղ պատժվի ՀՕՊ-Ս-400 գնելու և օգտագործելու համար. ԱՄՆ սենատոր Մենենդես

ԱՄՆ Սենատի արտաքին հարաբերությունների հանձնաժողովի անդամ, Սենատոր Բոբ Մենենդեսն այսօր հայտարարություն է տարածել՝ արձագանքելով այն լուրերին, թե թուրքական զինուժը սկսել է փորձարկել Ռուսաստանից գնված ՀՕՊ-Ս-400 համակարգերը: Այս մասին տեղեկացնում է «Ամերիկայի ձայնը»:

«Այսօր Թուրքիայի կողմից ռուսական արտադրության S-400 հակաօդային պաշտպանության համակարգի փորձարկումըհիշեցնում է, որ Թրամփի վարչակազմի կողմից ստացած պարզ խնդրանքները հետ չեն պահում Անկարային: Էրդողանը պատասխանում է միայն գործողություններին, ոչ թե խոսքերին: 2019-ի հուլիսին Թուրքիան առաքեց S-400-ը` ակնհայտորեն խախտելով ԱՄՆ պատժամիջոցների մասին օրենքը: Թրամփի վարչակազմը անտեսել է օրենքը՝ թուլացնելով մեր դիրքերը Պուտինի դեմ: Այն նաև խրախուսել է Էրդողանին՝ հասցնելով այսօրվա փորձությանը:

Նախագահ Թրամփի կողմից օրենքին չհամապատասխանելը և Ռեջեփ Թայիփ Էրդողանի նկատմամբ նրա բարեկամական վերաբերմունքը լուրջ սպառնալիքներ ենմեր ազգային անվտանգությանը, ինչպես նաև Եվրոպայում ՆԱՏՕ-ի մեր դաշնակիցների և գործընկերների անվտանգությանը: «Պատժամիջոցների միջոցով հակազդեցություն Ամերիկայի հակառակորդներին (CAATSA)» օրենքի ակտը պարզ է, և վարչակազմը պետք է հետևի օրենքին: Թուրքիան պետք է անհապաղ պատժվի այդ համակարգը գնելու և օգտագործելու համար»,-գրված է հայտարարության մեջ:

Ավելի վաղ՝ դեռ հունիսին, նախագահ Դենալդ Թրամփը հայտարարել էր, որ Միացյալ Նահանգների համար «բարդ» իրավիճակ է, թե ինչպես պատասխանել Ռուսաստանից հակահրթիռային պաշտպանության Ս-400 համակարգ գնելու Թուրքիայի գործարքին՝ ավելացնելով, որ քննարկվում են հնարավոր պատժամիջոցները:

Միևնույն ժամանակ Թրամփը համակրանք էր հայտնել իր թուրք գործընկեր Էրդողանի նկատմամբ՝ մեղադրելով ԱՄՆ նախկին նախագահ Բարաք Օբամայի վարչակազմին Թուրքիայի կողմից Patriot հրթիռներ գնելու պայմաններ դնելու մեջ:

«Մենք տարբեր լուծումներ ենք փնտրում: Դա խնդիր է, դրա մասին ոչ մի հարց չկա», -ասաց Թրամփը Էրդողանի հետ երկկողմ հանդիպման ժամանակ:

Այս թեմայով Իսրայելի՝ Լիբանանին հարվածի հետևանքով՝ 100 մարդ է զոհվել, 400 մարդ վիրավորվել է Կրկնակի բարձրացվել է փոխհատուցման ենթակա գումարի առավելագույն սահմանաչափը՝ 200 000 դրամի փոխարեն սահմանվելով 400 000 դրամ Ֆինլանդիայում հաշվառել են Ռուսաստանի տարածքով ժամանած 400 փախստականի Հայկական կողմի խոստովանությամբ՝ շուրջ 400 քառ. կմ հայկական տարածք թշնամուն է հանձնվել. Հրանտ Բագրատյան Հույժ գաղտնի դիրքորոշում կա ԱԱԾ-ին տրված 400 միլիոն դրամի վերաբերյալ