Մայքլ Ջեքսոնի մահվան նոր մանրամասները

Ամերիկյան The Los Angeles Times պարբերականի թղթակիցները ձեռք են բերել վաղամեռիկ փոփ-արքա Մայքլ Ջեքսոնի 2009-ի «This Is It» շրջագայության կազմակերպիչների էլեկտրոնային նամակագրությունը, որտեղ մասնավորապես նշվում է, որ երգչի հոգեկան և ֆիզիկական առողջությունը ստիպում է իրենց խիստ մտահոգվել, գրում է Росбалт.RU-ն ։

«Ջեքսոնն առանձնացել էր իր հանդերձարանում, նա հարբած էր ու խորը հիասթափված», - գրել է AEG համերգային ընկերության աշխատակից Ռենդի Ֆիլիպսը նախագահ Թիմ Լեյվեկին:

Նշենք, որ սա լրագրողների ձեռքն ընկած հաղորդագրություններից մեկն է: Դրանք թվով 250-ն են։

Այդ նամակների բովանդակությունից կարելի է ենթադրել որ, Ջեքսոնի վերջին օրերը բնութագրվել են զգացմունքային անհավասարակշռությամբ։

Դրանք հեշտությամբ կարող են օգտագործվել շրջագայության կազմակերպիչների դեմ, որոնց հասցեին բազմիցս են հնչել Մայքլի առողջական վիճակը կոցկելու մեղադրանքներ։

Հիշեցնենք, որ Մայքլ Ջեքսոնը մահացել է 2009-ի հունիսի 25-ին՝ ուժեղ ցավազրկող պրոպոֆոլ դեղամիջոցի չարաշահման հետևանքով։
Իսկ անցած տարվա նոյեմբերին Ջեքսոնի անձնական բժիշկ Քոնրադ Մյուրրեյը երգչի ոչ դիտավորյալ սպանության մեղադրանքով դատապարտվել էր 4 տարի ազատազրկման:ց