Հունգարիան Սաֆարովին ետ պահանջելու իրավունք ունի. Քաղաքագետ
Վերլուծական
Սեպտեմբերի 5-ին հրավիրված ասուլիսին քաղաքագետ Ստեփան Գրիգորյանը նշեց, որ 1983 թվականին ընդունված դատապարտյալների փոխանցման մասին ստրասբուրգյան կոնվենցիայի գլխավոր իմաստը նրանում է, որ դատապարտվածները հնարավորություն ստանան իրենց պատիժը կրել հայրենիքում, այնպես որ Ռամիլ Սաֆարովի արտահանձնմամբ և նրան ներում շնորհելով խախտվում են կոնվենցիայի 20 կետից 18-ը։
Քաղաքագետը մեջբերել է կոնվենցիայի մի քանի հոդվածներ՝ մասնավորապես 11-րդ, 13-րդ և 15-րդ հոդվածները։ Դրանց միջոցով պարզ է դառնում, որ միայն դատապարտող պետությունը իրավունք ունի փոխել դատավճիռը, ընդ որում՝ դատավճիռը չի կարող փոխարինվել դրամական փոխհատուցմամբ։ Բացի այդ՝ դատապարտյալի պետությունը պարտավոր է հանձնող պետությանը տեղյակ պահել դատապարտյալի պատժի ընթացքի մասին։
Քաղաքագետը նշել է, որ դեռևս ամեն ինչ ավարտված չէ, քանի որ Հունգարիան այսօր էլ կարող է Ադրբեջանից նման հաշվետվություն պահանջել։ Հունգարիան դատապարտյալին ետ ստանալու պահանջ ներկայացնելու իրավունք էլ ունի, եթե վերջինս իր պատիժը չի կրում հայրենքում։
Հիշեցնենք, որ Հայաստանը եւ Ադրբեջանը կոնվենցիային միացել են 2001 թվականին:
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
