Հինգ նոր ներկայացումների առաջնախաղեր` պետական աջակցությամբ

Հայաստանի Հանրապետությունում 2011 թ. դեկտեմբերին նախատեսված են պետական աջակցությամբ բեմադրված 5 նոր ներկայացումների առաջնախաղեր, որոնցից 2-ը Երևանում, իսկ 3-ը՝ մարզերում:

Արտաշատի Ա. Խարազյանի անվան պետական դրամատիկական թատրոնում դեկտեմբերի 8-ին տեղի կունենա Ավ. Ահարոնյանի «Երբ ձյունն է իջնում» ներկայացման (դրամա ըստ համանուն վիպակի) առաջնախաղը (բեմականացումը և սցենարը՝ Վարդան Գրիգորյանի, բեմադրությունը՝ Հայկ Մնացականյանի):

Վանաձորի Հ. Աբելյանի անվան պետական դրամատիկական թատրոնում դեկտեմբերի 5-ին տեղի կունենա Ա. Այվազյանի «Առլեզ» դրամայի առաջնախաղը (բեմադրությունը՝ Նունե Խեչումյանի):

Դեկտեմբերի 15-ին տեղի կունենա Եվ. Շվարցի (Թ. Գաբբե) «Բյուրեղապակե մաշիկը» մանկական ներկայացման առաջնախաղը (բեմադրությունը՝ Արամ Մխիթարյանի):

Երևանի երաժշտական կամերային պետական թատրոնում դեկտեմբերի 14-ին տեղի կունենա Ռեյկունիի «Սեքսուալ խառնաշփոթ հյուրանոցում» կատակերգության առաջնախաղը (բեմադրությունը՝ Դավիթ Հակոբյանի):

Գյումրու Վ. Աճեմյանի անվան պետական դրամատիկական թատրոնում դեկտեմբերի 15-ին և 16-ին տեղի կունենա Հրանտ Մարգարյանի «Եվ երկինքեն երեք աթոռ ինկավ» երաժշտական ներկայացման առաջնախաղը (բեմադրությունը՝ Նիկոլայ Ծատուրյանի):

Դեկտեմբերի 20-ին տեղի կունենա Եվ. Շվարցի «Մոխրոտը» մանկական ներկայացման առաջնախաղը (բեմադրությունը՝ Ասպրամ Բաղդասարյանի):

Ստանիսլավսկու անվան ռուսական պետական դրամատիկական թատրոնում դեկտեմբերի 16-ին և 17-ին տեղի կունենա ըստ Սերգեյ Դովլաթովի պատմվածքների «Աբանամատ» կամ «Նախկինում մենք ապրել ենք սարերում» դրամայի առաջնախաղը (բեմականացումը և սցենարը՝ Կոնստանտին Բալայանի, բեմադրությունը՝ Ալեքսանդր Գրիգորյանի):