ԵՊՀ-ն լավագույնն է Հարավային Կովկասում

Հայաստանի Հանրապետության կրթության և գիտության նախարարության պաշտոնական կայքը գրում է, որ այս տարվա հուլիսին webometrics.info կայք-էջի հրապարակած վարկանիշային աղյուսակում Երևանի պետական համալսարանը Հարավային Կովկասի բուհերի շարքում առաջատարն է:

Աշխարհի շուրջ 20.700 համալսարանների վարկանշային ցանկում ԵՊՀ-ն մտել է լավագույն 10%-ի մեջ` գրավելով 2050-րդ տեղը: Հայաստանում գործող բուհերից տվյալ ցանկում երկրորդն Ամերիկյան համալսարանն է, որը գրավել է 2827-րդ տեղը: Արևելյան և կենտրոնական Եվրոպայի համալսարանների վարկանշային առանձին ցանկում ԵՊՀ-ն զբաղեցնում է 175-րդ տեղը:

Վրաստանի առաջատար բուհը Ճավճավաձեի անվան լեզուների և մշակույթի պետական համալսարանն է, որը գրավել է 2537-րդ տեղը:
Վարկանշային ցուցակում Ադրբեջանի լավագույն համալսարանը «Կովկասն» է՝ 5814-րդ տեղ: