Սիրիական ընդդիմադիր. Թուրքիան ձգտում է ծնկի բերել Սիրիային

Սիրիական վարչակարգի դեմ պայքարում Թուրքիայի մասնակցությունը ծայրահեղ վտանգավոր է,- չորեքշաբթի հայտարարել է սիրիական ներքին ընդդիմության պատվիրակության ղեկավար, «Ուժերի կոալիցիաներ՝ հանուն խաղաղ փոփոխությունների» քաղ-բյուրոյի անդամ Ֆաթեհ Ջամուսը. հաղորդում է ИТАР-ТАСС-ը։

Ավելի վաղ բազմիցս հայտնվել է այն մասին, որ Թուրքիան աջակցություն է ցույց տալիս սիրիական զինված ընդդիմությանը։

Մասնավորապես, Թուրքիայի հարավում գտնվող Խաթայ քաղաքում է տեղակայված ամենամեծ և լավ կազմակերպված ընդդիմական խմբավորման՝ Ազատ սիրիական բանակի գլխավոր բազան։

Բացի այդ, ԶԼՄ-ների տվյալներով, Թուրքիայի հարավում են գտնվում ԱՄՆ ԿՀՎ աշխատակիցների մի խումբ, որը կարգավորում է ապստամբներին զենքի մատակարարման հարցերը։ Ըստ այդ տվյալների՝ սիրիական իշխանությունների դեմ պայքարելու համար նախատեսված զենքը Սիրիա է տեղափոխվում Թուրքիայի սահմանով, միջնորդների միջոցով, իսկ մատակարարումների համար վճարում են Թուրքիան, Սաուդյան Արաբիան և Քաթարը։