Թուրքիան իսլամիստների է ուղարկում Ադրբեջան. Արցախի վերաբերյալ Բունդեսթագում տեղի ունեցած հանդիպման ամփոփագրերը

ԱԺ «Լուսավոր Հայաստան» խմբակցության ղեկավար Էդմոն Մարուքյանը ֆեյսբուքյան իր էջում գրել է.

«2020 թվականի հոկտեմբերի 29-ին Արցախի վերաբերյալ Բունդեսթագում տեղի ունեցած հանդիպման ամփոփագրերը:

1. ԵՄ-ն շարունակում է ժամանակ կորցնել։

2. Թուրքիան իսլամիստների է ուղարկում Ադրբեջան։

3. Նշվել է հումանիտար աղետի մասին, որի մեղավորն Ադրբեջանն է, ով սանձազերծել է պատերազմը։

4. Նշվել է Ադրբեջանի կողմից իրականացվող ռազմական հանցագործությունների մասին։

5. Առաջարկ է արվել Թուրքիային հեռացնել Մինսկի խմբից (երկու առաջարկ):

6. Խոսել են պատմական պատասխանատվության, ցեղասպանության և ցեղասպանության շարունակվելու փաստի մասին:

7. Նշվել է, որ Եվրոպան չի ընդունի այնպիսի որոշում, որը հիմնված կլինի ռազմական ագրեսիայի վրա:

8. Բաքուն պետք է կանգ առնի, այլապես չի կարողանա հարաբերություններ ունենալ Եվրոպայի հետ:

9. Նշվել է Հայաստանի մշակութային ժառանգության ոչնչացման հանգամանքը:

10. Հիշատակում է եղել Բաքվի ջարդերի մասին։

11. հրատապ միջոցառումներ / պատժամիջոցներ:

12. Խոսվել է Հայաստանի ողբերգական պատմության մասին, որը եղել է հարեւանների պատճառով:

13. Արցախն առանց Ստալինի երբեք չէր հայտնվի Ադրբեջանի կազմում։

14. Խաղաղ կյանքը չի հաստատվում ռումբերի միջոցով։

15. ԵՄ-ն իրավունք չունի լռել, որպեսզի 1915-ի պատկերը չկրկնվի:

16. Մասնակիցներից մեկին դուր չեկավ այն, ինչ արել է Հայաստանը վերջին 20 տարվա ընթացքում, բայց նա անմիջապես նշել է, որ Ադրբեջանի ագրեսիան արդարացում չունի, նա նշել է նաև, որ ռազմական ճանապարհով հաստատված ոչինչ չի ճանաչվի:

17. Ջարդեր, քրիստոնյա բնակչության էթնիկ զտումներ:

18. Ադրբեջանի դիրքորոշումն անընդունելի է:

19. Բունդեսթագի պատգամավոր Գրեգոր Գիզի.

Ադրբեջանի ղեկավարը հայտարարել է, որ այս պատերազմում գնալու է մինչև վերջ: Այսինքն՝ նա ցանկանում է ուժով վերադարձնել ամբողջ տարածքը՝ դեմ գնալով մադրիդյան սկզբունքներին: Թուրքիան Ադրբեջան է ուղարկում ոչ միայն զենք, այլև զինյալներ, այդ թվում՝ Սիրիայից: Սա աղետ է, և ի վերջո թե՛ Գերմանիայի կառավարությունը, թե՛ ՆԱՏՕ-ն պետք է դատապարտեն դա: Պետք է իրերն իրենց անուններով կոչել և միանշանակ դատապարտել թուրքական սադրանքները»: