Թուրքիայում տեղի ունեցած հզոր երկրաշարժից 4 մարդ է զոհվել, 120֊ը վիրավորվել է

Առնվազն 4 մարդ զոհվել է Թուրքիայի արևմտյան Իզմիր քաղաքում տեղի ունեցած հզոր երկրաշարժի հետևանքով, 120-ը վիրավորվել է, հայտնում է Թուրքիայի Արտակարգ իրավիճակների և աղետների գործակալությունը: Թուրք սեյսմոլոգները երկրաշարժի ուժգնությունը գնահատում են 6,6 բալ: Երկրաշարժի էպիկենտրոնը գտնվել է Սեֆերիհիսար քաղաքի տարածքում: Առնվազն 20 շենք փլուզվել է Իզմիրում: Մոտ 70 մարդ արդեն դուրս է բերվել փլատակներից: