Ինչու է որոշվել դիմել Ռուսաստանին. փոխվարչապետը՝ Պուտինին ուղղված նամակի մասին

Որոշում է կայացվել դիմել Ռուսաստանին՝ ելնելով ստեղծված իրավիճակից: Այս մասին խորհրդարանում լրագրողների հետ զրույցում ասաց ՀՀ փոխվարչապետ Մհեր Գրիգորյանը:

Նա վստահ է՝ իրավիճակը վերլուծվել է։ «Ֆունդամենտալ, բազային համաձայնագիրը հենց 1997 թ․ հայ-ռուսական համաձայնագիրն է, որի վրա հղում է արվել: Իսկ պահը որոշվել է այն հանգամանքից, թե ինչ է կատարվում ռազմական իրավիճակի հետ կապված: Կարծում եմ՝ ինչ-որ պահ է եկել, որ կուտակումները կամ դիսլոկացիան վկայել է այն մասին, որ ճիշտ կլինի արդեն իսկ այս պահին դիմել, որովհետեւ երեւի կար իրավիճակ, որը համարվեց, որ վտանգ է կամ սպառնալիք է, այդ թվում նաեւ ՀՀ սահմանների համար», - ասաց Մհեր Գրիգորյանը։ 

Փոխվարչապետը վստահ է՝ իրավիճակը վերլուծվել է։