Թուրքիայից ապրանքների ներմուծման դադարեցման դեպքում գնաճ չի կարող լինել. նախարար
Տնտեսություն
ՀՀ Էկոնոմիկայի նախարար Տիգրան Խաչատրյանը վստահեցնում է, որ Թուրքիայից վերջնական սպառման ապրանքների ներմուծման դադարեցման հետևանքով գնաճ չի լինի:
Այս մասին Խաչատրյանն ասաց նոյեմբերի 6-ին Ազգային ժողովում լրագրողների հետ զրույցում:
«Չի կարող լինել գնաճ մեկ պարզ պատճառով: Մեր գնահատականները վկայում են, որ այդ վերջնական սպառման ապրանքները, որոնք ներկրվում էին Թուրքիայից, տարեկան 50 մլն դոլարի արժեքը չէին գերազանցում: Եթե մեկ փոքր քանակություն փոխարինվում է մեկ այլ փոքր քանակությամբ` շուկայական գնի վրա այդ գործընթացն ազդեցություն ունենալ չի կարող»,- ասաց Խաչատրյանը:
Նախարարը նշեց, որ ձեռնարկատերերը գիտեն, թե թուրքական շուկան ինչ շուկաներով կարելի է փոխարինել:
«Մեր ձեռնարկատերերն, այդ բիզնեսում լինելով բավական երկար ժամանակ, իրենք շատ լավ գիտեն, թե որտեղ են դրանց այլընտրանքային շուկաները: Մենք ասել ենք, որ եթե կլինեն փոքր բիզնեսներ, որ այդ հարցում խորհրդատվության կարիք կունենան, կա մասնագետների խումբ, որը կօգնեն այդ բիզնեսներին»,- նշեց նախարարը:
Ամենադիտված 
Մնաս բարյավ. Րաֆֆի Հովհաննիսյան
