ԼՂ հակամարտության սրման դեպքում Վրաստանը կորդեգրի չեզոք դիրքորոշում. վրացի փորձագետ

Լեռնային Ղարաբաղի հակամարտության սրման դեպքում Վրաստանը կունենա չեզոք դիրքորոշում. այս մասին REGNUM գորածակալության հետ հարցազրույցում նշել է Ռազմավարական և միջազգային հետազոտությունների վրացական հիմնադրամի ղեկավար, քաղաքագետ Ալեքսանդր Ռոնդելին։ Նա նաև նշել է, որ Թբիլիսին շահագրգռված է աշխարհում և տարածաշրջանում կայունության մեջ, այդ պատճառով կանի ամեն ինչ, որպեսզի թույլ չտա իրադարձությունների նման զարգացում։

«Վրաստանը դեմ է տարածաշրջանում ցանկացած հակամարտության և փորձելու է կանխել դրանց ի հայտ գալը: Մենք ուզում ենք, որպեսզի Հարավային Կովկասում տիրի խաղաղություն և կայունություն», - ասել Ռոնդելին, ընդգծելով, որ այդ դիրքորոշումը թելադրված է ոչ միայն մարդասիրական նկատառումներով, այլև Վրաստանի պետական շահերով:

Հարցին, թե որքանով է Վրաստանն ի վիճակի իսկապես չեզոք լինել հակամարտության երկու կողմերի նկատմամբ և հետևել ռազմական չեզոքության կանոններին Հայաստանի և Ադրբեջանի պարագայում, Ռոնդելին ընդգծել է, որ կատարյալ ոչինչ չկա, այդ թվում նաև՝ ռազմական չեզոքություն։ «Բայց, ամեն դեպքում պետական մակարդակով մեր երկիրը չեզոք դիրքորոշում կորդեգրի», - կարծիք հայտնեց Ռոնդելին։

«Ռազմական չեզոքությունը ենթադրում է  տարածք տրամադրել տարանցիկ օգտագործման համար, իսկ դա նշանակում է, որ Հայաստանը կտրված կլինի իր հիմնական ռազմավարական դաշնակցից՝ Մոսկվայից։ Փաստացիորեն վրացական նման «չեզոքությունը» կհանգեցնի Հայաստանի շրջափակման և Ադրբեջանին անուղղակի աջակցության»։ Այս դիտարկմանն ի պատասխան՝ Ռանդելին նշել է. «Իհարկե՛, շատ տհաճ իրավիճակ է»: 

Հենց նման իրավիճակների պատճառով ես չեմ մտնում քաղաքականություն: Բայց կա մի նրբություն. եթե Ռուսաստանը ցանկանա մտնել Հայաստան, նրանք կթքեն ամեն ինչի վրա և կհասնեն: «Ո՞վ կարող է նրանց կանգնեցնել»։ Այն հարցին, թե արդյոք Վրաստանի՞ն նկատի ունի, երբ ասում է՝ «կթքեն ամեն ինչի վրա», Ռոնդելին տվեց դրական պատասխան. «Բա էլ ու՞մ»։