Հայաստանի ինժեներային զորքերի օրն է

2000 թվականից սկսած՝ սեպտեմբերի 7-ը տոնվում է որպես Հայաստանի Ազգային բանակի ինժեներային զորքերի օր:

Այդ զորքերի առաջնային խնդիրն է Ղարաբաղյան կոնֆլիկտի գոտում գտնվող տարածքների ականազերծում:

Ըստ ՄԱԿ - ի զարգացման ծրագրի շրջանակներում իրականացված ուսումնասիրությունների՝ Հայաստանում ականների թիվը հասնում է 80-100 հազարի:

60 սահմանամերձ համայնքների հարյուրից ավել հողակտորներ  համարվում են կյանքի համար վտանգավոր, դրանք կազմում են մոտ 322 քառակուսի կիլոմետր, ինչն ավելի շատ է, քան Հայաստանի տարածքի մեկ տոկոսը:

1994 թվականից տուժել է 394 խաղաղ բնակիչ, որոնց 1/3-ը զոհվել է:
2007թ. ամռանը հայ խաղաղապահների ջոկատը, որի կազմում են 5 բժիշկ, տրանսպորտային դասակ, կապավորներ, ինչպես նաև՝ 10 սակրավոր, ուղարկվել են Իրաք:

 Հայաստանի Զինված ուժերի ինժեներական ստորաբաժանման ձևավորումն ավարտվել է 1992թ սեպտեմբերի 7-ին: