Իշխանությունների հերթական մանիպուլյացիան. ովքե՞ր են պահանջում Փաշինյանի հրաժարականը

Նիկոլ Փաշինյանը և իր թիմը վերջին օրերին լայնորեն մի թեզ են շրջանառում, որի համաձայն` իշխանությունների հրաժարականի հանրային պահանջ նոյեմբերի 9-ի կապիտուլյացիոն ակտի ստորագրումը չի առաջացրել և այսօր ընթացող քաղաքական պրոցեսները չեն վայելում հանրության լայն հատվածի աջակցությունը: Այս թեզի մանիպուլյատիվ լինելը անչափ հեշտ է ապացուցել` ի մի բերելով այն բոլոր ուժերի, կառույցների պահանջները, որոնք ուղղված են Նիկոլ Փաշինյանի հրաժարականին: 

Նախ և առաջ, Հայաստանի 17 քաղաքական կուսակցություն առաջ են քաշել այդ պահանջը: 

ՀՀ վարչապետ Նիկոլ Փաշինյանի և նրա թիմի հրաժարականի պահանջով, մասնավորապես, հանդես են եկել Սփյուռքի հետևյալ կազմակերպություններն ու կառույցները՝ 

Քուվեյթի Ազգային կառույցներ

ՀՅԴ Արևմտյան Եվրոպայի Կենտրոնական Կոմիտե 
Լիբանանի Օգնության Խաչի Շրջանային Վարչություն 
ՀՄԸՄ-ի Լիբանանի Շրջանային Վարչություն 
ՀՅԴ Զավարյան Ուսանողական Միություն և Լիբանանի Երիտասարդական Միություն 
Համազգային Հայ Կրթական և Մշակութային Միության Կենտրոնական Վարչություն 
ՀՅԴ Կանադայի Կենտրոնական Կոմիտե 
ՀՅԴ Կենտրոնական Եվրոպայի Շրջան, Ավստրիայի Հայ Դատի հանձնախումբ, ՀՄԸՄ-ի Վիեննայի մասնաճյուղ 
ՀՅԴ «Արմեն Գարո» ուսանողական միություն (Կանադա), Մոնթրեալի համալսարանի հայ ուսանողական միություն, Գոնգորտիա համալսարանի հայ ուսանողական միություն 
ՀՅԴ Հյուսիսային և Հարավային Իրանի Կենտրոնական Կոմիտեներ 
ՀՅԴ Հունաստանի Կենտրոնական Կոմիտե 
Սիրիայի Հայ Դատի հանձնախումբ 
ՀՅԴ Լիբանանի Կենտրոնական Կոմիտե 
ԱՄՆ Արևելյան Շրջանի ՀՅԴ Կենտրոնական Կոմիտե 
ՀՅԴ Արևմտյան Ամերիկայի Կենտրոնական Կոմիտե 

Երևանի պետական համալսարանի գիտական խորհուրդը, Գիտությունների ազգային ակադեմիան պահանջել են Փաշինյանի հրաժարականը: 

Ռուսաստանի հայերի միությունը` ի դեմս նախագահ Արա Աբրահամյանի պահանջում է Նիկոլ Փաշինյանի հրաժարականը։ ՌԴ Հայերի միությունը առաջարկում է`  Սահմանադրական ճանապարհով ընտրել նոր վարչապետ և ձևավորել ճգնաժամային կառավարություն : Վարչապետ ընտրել այն քաղաքական առաջնորդին, որը ունի ճգնաժամից երկիրը դուրս բերելու հստակ տեսլական: Այնուհետև մեկ տարի անց կազմակերպել արտահերթ ընտրություններ 

Գլենդելի հայ համայնքը նույնպես ցույց է կազմակերպել՝ պահանջելով Նիկոլ Փաշինյանի հրաժարականը: 

«Կոնսիլիում» առողջապահական հասարակական կազմակերպությունը հրապարակել է ՀՀ կառավարության հրաժարականի կոչ-պահանջը 

Համաշխարհային հայկական կոնգրեսը նույնպես պահանջում է Փաշինյանի հրաժարականը: 

«Սասնա ծռերը» ևս պահանջում է Նիկոլ Փաշինյանի հրաժարականը. 

ՀՀ նախագահ Արմեն Սարգսյանը իր ուղերձում հստակորեն դրել է Նիկոլ Փաշինյանի և իր կառավարության հրաժարականի պահանջը: 

Գորիս համայնքի ավագանու անդամը պահանջում է Նիկոլ Փաշինյանի հրաժարականը. 

Սակայն, Փաշինյանի հրաժարականի պահանջը առաջ են քաշում ոչ միայն հասարակական-քաղաքական կառույցները և գործիչները, այլ նաև հասարակության լայն շերտերը՝ իրենց կարծիքը արտահայտելով սոցիալական ցանցերում: 

Փաշինյանից դժգոհ է, օրինակ, Միքայել Մարգարյանը։ Նա ակտիվ է եղել իշխանափոխության օրերին և անգամ հայտնվել է «հեղափոխական» հարթակին։ 



Իշխանություններից սրտնեղած են նաև գործարարները: Մասնավորապես, գործարար Վահան Քերոբյանը, ով հեղափոխության օրերին և դրանից հետո էլ ակտիվորեն սատարում էր Փաշինյանին և նրա թիմին: Հուլիսյան սահմանային լարվածության օրերին նա հանդես եկավ գրառմամբ, որտեղ նախկիններին անվանեց բանակը թալանողներ , իսկ իշխանությունների հասցեին հերթական դեֆերեմբները ձոնեց: Սակայն, գործարարը անչափ դժգոհ է մնացել վարչապետի հետ վերջին հանդիպումից, ըստ նրա՝ Փաշինյանը չի էլ ցանկացել լսել գործարարների խնդիրների մասին և միայն մուննաթ է եկել: Այժմ էլ Քերոբյանւ ուշագրավ հայտարարություն է արել արաբական Al Jazeera-ի հետ զրույցում` պատմելով, թե ինչպես է Հայաստանի ղեկավարությունն օգտագործել իրենց: «Մեզ հեքիաթներ էին պատմում, որ մենք ուժեղ ենք, մենք մտածում էինք, որ մեր բանակը շատ ուժեղ է, շատ մեծ է, կարող ենք անել այն ամենն, ինչ ուզենանք, մինչդեռ իրականում հանրության շրջանում որևէ մեկն իրականության մասին չգիտեր: Հիմա ունենք այն, ինչին արժանի ենք»,- պատմել է գործարարը: Ըստ նրա` քարոզչությունն այնքան ուժեղ էր, որ զինվորները հավատացած էին Ադրբեջանի բանակի նկատմամբ իրենց առավելությանը: 

Մխիթար Սեբաստացի կրթահամալիրի տնօրեն Աշոտ Բլեյանը, ով ոչ միայն աջակցել է Թավշյա հեղափոխությանը, այլ նաև հանդիսանում է վարչապետի երեխաների քավորը, նույնպես, կարծես թե, ստրտնեղած է ստեղծված իրավիճակից: 

Ինչպես տեսնում ենք, Փաշինյանի և իր կառավարության գործունեությունից դժգոհողները հասարակության չնչին մասը չեն, ինչպես դա փորձում են ներկայացնել իշխանության ներկայացուցիչները, իսկ հրաժարականի հանրային պահանջն էլ հստակ սահմանված է: 

Այս թեմայով Ցանկացած ճգնաժամ գիտելիքի պակասից է, մեր բոլոր պրոբլեմների լուծման բանալին կրթությունն է. Նիկոլ Փաշինյան Ամեն անգամ, երբ թվում է՝ ցինիզմը, այնուամենայնիվ, սահմաններ ունի, Փաշինյանը հակառակն է ապացուցում. Սուրեն Սուրենյանց Ինչու Փաշինյանը արհամարհեց Բայդենի «հրաժեշտի» ընդունելությունը․ Սուրեն Սարգսյան Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան