Ալիևը նաև Լաչին քաղաքն է ուզում
Արտաքին ՔաղաքականԱդրբեջանի նախագահ Իլհամ Ալիևն ասել է, որ Բաքուն առաջարկում է Լեռնային Ղարաբաղը Հայաստանի հետ կապող նոր միջանցք ստեղծել՝ միաժամանակ Լաչին քաղաքը տալով Ադրբեջանին:
«Բոլորը լավ գիտեն, որ հիմա Լաչինի միջանցքը անցնում է Լաչին քաղաքով: Այսպիսով՝ Լաչին քաղաքը մնում է այս միջանցքի մեջտեղում: Ռուսաստանի նախագահի հետ զրույցներում ես ասացի, որ Լաչին քաղաքը նույնպես պետք է մեզ վերադարձվի: Հետևաբար, մենք առաջարկում ենք կառուցել նոր միջանցք, մշակել երթուղի Լեռնային Ղարաբաղը Հայաստանի հետ կապող նոր միջանցքի համար և կառուցել այն: Այստեղ նաև ժամանակ է նշվում` երեք տարվա ընթացքում: Բայց ես հավատում եմ, որ դա կարող ենք անել ավելի վաղ: Նոր միջանցքի պարամետրերը որոշելուց հետո Լաչին քաղաքը նույնպես կվերադարձվի մեզ: Այս հարցը արժանի է հատուկ ուշադրության», - ասել է Ալիևը ժողովրդին ուղղված իր ուղերձում: