Երևանում մեկնարկում է Ժամանակակից իտալական ֆիլմերի երկրորդ փառատոնը

Դեկտեմբերի 19-ից 25-ն Երևանում կանցկացվի Ժամանակակից իտալական ֆիլմերի երկրորդ փառատոնը:

Փառատոնը կազմակերպել է Իտալիայի Դեսպանությունը՝ համագործակցելով Պետական համազգային թատրոնի հետ։

Փառատոնի անցկացման նպատակն իտալական լավագույն ավանդույթներն ու ապրելակերպը ներկայացնելն է: Այդ իսկ պատճառով՝ ցուցադրվող ֆիլմերն իրենց բնույթով ուղղված են լինելու իտալական մշակութային ժառանգության ճանաչմանն ու պահպանմանը։

Ժամանակակից իտալական ֆիլմերի երկրորդ շաբաթվա բացման արարողությունը տեղի կունենա Պետական համազգային թատրոնում, դեկտեմբերի 19-ին, ժամը 18.00-ին։ Բացման խոսքով հանդես կգա կինոքննադատ Սառա Նալբանդյանը։ Այնուհետև կլինի Մաեստրո Մարիո Ստեֆանո Պիետրոդարկիի բացառիկ համերգը, ով լարային կվինտետի նվագակցությամբ կկատարի Էննիո Մորիկոնեի, Նինո Ռոտայի և Լուիս Բակալովի՝ իտալական ֆիլմերի համար գրված երաժշտության նմուշներ:

Համերգին հաջորդելու է հայ լուսանկարիչ Վահե Մելքոնյանի լուսանկարների ցուցադրությունը, որտեղ ներկայացված են պատկերներ՝ տիպիկ իտալական կյանքից: