Ինչքա՞ն է կազմում ամենահարուստ մարդկանց մեկ օրվա եկամուտը

Ֆինանսական վերլուծաբանները հաշվարկել են, թե ինչպես են փոխվում աշխարհի ամենահարուստ մարդկանց եկամուտները մեկ օրվա ընթացքում: Եկամուտների տատանումները հարյուրավոր միլիոններից հասնում են մինչև միլիարդների:

Ներկայումս աշխարհի ամենահարուստ 40 մարդկանց եկամուտների հետազոտությամբ զբաղվում է Bloomberg գործակալությունը: Վերլուծաբանները առցանց հետևում են տվյալ մարդկանց կարողությունների տատանումներին:

Ըստ վերլուծաբանների ստացած տվյալների՝ աշխարհի ամենահարուստ մարդու՝ մեքսիկացի Կառլոս Սլիմայի կարողությունը մեկ օրվա ընթացքում ավելացել է 780.8 մլն ԱՄՆ դոլարով: Սլիմի կարողությունը գնահատվում է 74 մլրդ ԱՄՆ դոլար։ Հեռահաղորդակցության ոլորտի մագնատը 2012թ.-ի հունվար-օգոստոս ամիսներին 19.6%-ով ավելի է հարստացել:

Microsoft ընկերության հիմնադիր Բիլ Գեյթսը, չնայած գրավում է երկրորդ հորիզոնականը, սակայն մեկ օրվա կտրվածքով գերազանցել է վարկանշային աղյուսակի առաջնորդին՝ նրա կարողությունը մեկ օրում ավելացել է 1,279 մլրդ ԱՄՆ դոլարով: Ընդհանուր առմամբ, ամերիկացի միլիարդատերի կարողությունը գնահատվում է 69.9 մլրդ ԱՄՆ դոլար, իսկ 2012թ.-ից մինչև հիմա նրա հարստությունն ավելացել է 14.7%-ով:

Իսպանացի Ամանսիո Օրտեգա Գաոնան, որի սեփականության տակ են գտնվում խոշոր տեքստիլային բրենդներ, մի օրվա ընթացքում հարստացել է էլ ավելի՝ 2.463 մլրդ ԱՄՆ դոլարով: Ըստ Bloomberg-ի տվյալների, նրա կարողությունը գնահատվում է 50 մլրդ. ԱՄՆ դոլար:

Ամերիկյան Berkshire Hathaway հոլդինգի սեփականատեր Ուորեն Բաֆետի կարողությունը մեկ օրվա ընթացքում ավելացել է 644.3 մլրդ. ԱՄՆ դոլարով: Նրա ենթակայության տակ գտնվող կապիտալը գնահատվում է 46.3 մլրդ ԱՄՆ դոլար, որն այս տարի ավելացել է 8.3%-ով:

IKEA-ի հիմնադիր շվեդ Ինգվար Կամպրադը, որը եզրափակում է ամենահարուստ մարդկանց հնգյակը, մեկ օրվա ընթացքում աշխատել է 919.2 մլրդ ԱՄՆ դոլար: Այս տարվա հունվարից իր կարողությունն ավելացել է 22.2%-ով՝ կազմելով 42 մլրդ ԱՄՆ դոլար:

Ինչպես հայտնում է «Вести.Ру»-ն, Oracle կորպորացիայի ղեկավար Լոուրենս Էլիսոնի կարողությունը մեկ օրվա ընթացքում ավելացել է 675 մլն ԱՄՆ դոլարով: Իսկ 2012թ.-ի ընթացքում իր ունեցվածքն ավելացրել է 25.8%-ով: Այն գնահատվում է 41.4 մլրդ ԱՄՆ դոլար:

Աշխարհի ամենահարուստ մարդկանց շարքում յոթերորդ և ութերորդ տեղերը զբաղեցրել են Չարլզ և Դեյվիդ Գամիլտոն Կոխ եղբայրները: Նրանցից յուրաքանչյուրի կարողությունը գնահատվում է 37.5-ական մլն ԱՄՆ դոլար: Նրանց ընդհանուր կապիտալը այս տարվա սկզբից ավելացել է 10.7%-ով, իսկ օրական հարստացման չափը կազմել է 274.9 մլրդ ԱՄՆ դոլար:

Ամենահարուստ մարդկանց տասնյակը եզրափակում են մի ընտանիքի ներկայացուցիչներ: Այսպես՝ մահացած ժառանգի, որը նաև Wal-Mart խանութների ցանցի սեփականատերն էր՝ Ջոն Ուոլթոնի կինը՝ Քրիստին, մեկ օրվա ընթացքում հարստացել է 486.3 մլրդ Ամն դոլարով: Նրա ընդհանուր կարողությունը, որը տարվա սկզբից ավելացել է 20.9%-ով, կազմում է 30.4 մլրդ ԱՄՆ դոլար:

Մահացած ժառանգի հարազատ եղբայրը՝ Ջիմը, որը փոքր-ինչ աղքատ է եղբորից՝ չնայած այս տարվա հունվարից նրա կարողությունն ավելացել է 29.2%-ով: Ջոն Ուոլթոնի կարողությունը կազմում է 29.2 մլրդ ԱՄՆ դոլար, իսկ մեկ օրվա ընթացքում նրա կարողությունն ավելացել է 465.1 մլն ԱՄՆ դոլարով: