#ԳործԿա. վիրտուալ իշխանության՝ վիրտուալ կադրերը.

Գործող քաղաքական իշխանությունները առիթը բաց չեն թողնում հայտարարելու, որ իրենց տեխնոկրատ և նորարար թիմի հետ աշխատելու մորմոքով համաշխարհային մասշտաբի մտքի տիտաններ են հերթ կազմել: Սակայն, չնայած այդ հանգամանքին, իշխանության ներկայացուցիչները նախընտրում են պետական պաշտոնյաների թափուր մնացած հաստիքները համալրերլ ֆեյսբուքյան հայտարարություններ տարածելով: Օրինակ, պարզվում է, որ մեր նորանշանակ էկոնոմիկայի նախարարին տեղակալ է անհրաժեշտ և վերջինս էլ այդ տեղակալին փնտրում է ՖԲ հայտարարությամբ, չմոռանալով նշել, որ այն անձինք, ովքեր չեն կիսում իրենց քաղաքական հայացքները, կարող են նեղություն չքաշել և չդիմել սույն պաշտոնի համար, փնտրելով իրենց հարիր այլ աշխատանք:

Մեկ տարի առաջ իշխանությունները գլուխ էին գովում, որ ձևավորել են նոր կադրային բանկ՝ ավելի քան 1000 հոգուց բաղկացած, բացի այդ սփյուռքի հարցերով գլխավոր հանձնակատարի գրասենյակը արել էր սփյուռքահայ հարյուրավոր մասնագետների Հայաստան վերադառնալու անոնսը: Վերադարձե՞լ են, իսկ կադրային բանկից նորություն կա՞: 

Ակնհայտ է, որ իշխանությունների կադրային սովը այն աստիճանի է հասել, որ վերջիններս ստիպված՝ անգամ նման բարձր պաշտոնի համար մրցույթը հայտարարում են ՖԲ-ով: Եթե այդպես էլ չգտնեն, թերևս դիմեն օրինակ job.am-ի օգնությանը, menu-am-ը ցավոք այս դեպքում դժվար թե օգնության հասնի: Մյուս կողմից էլ ամեն բան օրինաչափ է՝  որտե՞ղ փնտրեն կադրեր վիրտուալ իրականությունում ապրող իշխանությունները, եթե ոչ վիրտուալ աշխարհում...

Այս թեմայով Ցանկացած ճգնաժամ գիտելիքի պակասից է, մեր բոլոր պրոբլեմների լուծման բանալին կրթությունն է. Նիկոլ Փաշինյան Ամեն անգամ, երբ թվում է՝ ցինիզմը, այնուամենայնիվ, սահմաններ ունի, Փաշինյանը հակառակն է ապացուցում. Սուրեն Սուրենյանց Ինչու Փաշինյանը արհամարհեց Բայդենի «հրաժեշտի» ընդունելությունը․ Սուրեն Սարգսյան Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան