Ովքե՞ր են Գագիկ Ծառուկյանի համար «պարտաճանաչորեն» ծանուցագրեր կազմող ԱԱԾ և ՀՔԾ քննիչները

Այսօր՝ ընդդիմադիր քաղաքական ուժերի կողմից հրավիրված հանրահավաքից ուղիղ 30 րոպե  առաջ ՝ ժանրի կանոններին և ձևավորված «ավանդույթի» համաձայն ԱԱԾ քննչական դեպարտամենտը ոչ աշխատանքային օրով հարցաքննության է հրավիրել ԲՀԿ կուսակցության առաջնորդ Գագիկ Ծառուկյանին: Նախորդ հանրահավաքներից առաջ էլ վերը նշված «ավանդույթները» սրբորեն պահպանելուն էր լծված ՀՔԾ-ն: Անչափ ուշագրավ է, որ սույն կառույցների և այս կառույցներում աշխատող քննիչների մոտ՝ Ծառուկյանին լրացուցիչ ճշգրտում պահանջող հարցեր են առաջանում ճիշտ և ճիշտ հանրահավաքների օրերին և այդ հանրահավաքներից ժամեր առաջ:

Հետաքրքիրն այն է, որ ընդդիմության մյուս առաջնորդներին էլ են կանչվում ԱԱԾ և ՀՔԾ, սակայն նրանք, այնուամենայնիվ, հնարավություն ունենում են հանդես գալ հանրահավաքներում: Իշխանությունը առավել հետևողական է Ծառուկյանի մուտքը Ազատության հրապարակ խոչընդոտելու հարցում: Ընդ որում՝ խոչընդոտում են միտումնավոր, քաջ գիտակցելով, որ Ծառուկյանի հրապարակում լինելը կարող է էականորեն փոխել հանրահավաքի մթնոլորտը և ընթացքը:

Հարց է առաջանում՝ ովքե՞ր են այն քննիչները, որ նախանձելի «պարտաճանաչությամբ» ծանուցագրեր են ուղարկում ԱԺ մեծությամբ երկրորդ ընդդիմադիր քաղաքական ուժի ղեկավարին: Ծառուկյանը իր հերթին հարգելով պետական ինստիտուտները ոչ պակաս պարտաճանաչորեն ներկայանում է ԱԱԾ և ՀՔԾ՝ ցույց տալու համար, որ չի խուսափում քննությունից, և ոչինչ չունի թաքցնելու, բայց այդ հանգամանքը կարծես թե վրիպում է՝ համառորեն ծանուցագրեր ձոնող քննիչների ուշադրությունից: Թերևս վերջիններիս ուշադրությունը սևեռված է իրենց անմիջական ղեկավարների հրահանգները «հավուր պատշաճի» իրագործելուն և վերջիններիս չհիասթափեցնելուն...

Այս թեմայով «ՀԱՕԿ նախագահ Գագիկ Ծառուկյանի գավաթ» սամբոյի միջազգային մրցաշարին կտրվի «Աշխարհի գավաթ» կարգավիճակ Որքան գումար կստանան ԱԱԾ-ն և ԱՀԾ-ն 2025 թվականի բյուջեով «Գագիկ Ծառուկյան գավաթ» սամբոյի միջազգային մրցաշարին տրվեց աշխարհի գավաթ կարգավիճակ Ես ոչ մեկին չեմ աջակցել. Ծառուկյանը Մայր տաճարում է. Armtimes Բացահայտվել են թմրամիջոցների մաքսանենգության դեպքեր․ ԱԱԾ (տեսանյութ)