«168 Ժամ». Լյուդմիլա Հարությունյան. «Նախագահական ընտրություններինչ պետք է մասնակցեն փոքր «տրամաչափի» գործիչներ»
Հայկական Մամուլ
«Այնպիսի մեծ խաղին, ինչպիսին նախագահական ընտրություններն են, համոզված եմ՝ չպետք է մասնակցեն փոքր «տրամաչափի» գործիչներ: Դա կարժեզրկի գործընթացը: Նման բարձր մակարդակի ընտրությունները պետք է տեղի ունենան մեծ փղերի մասնակցությամբ: Հայաստանն այսօր մեծ փղերի պայքարի կարիք ունի»,- «168 Ժամ»-ի թղթակցի հետ զրույցում ասել է Լյուդմիլա Հարությունյանը՝ ավելացնելով, թե միանգամայն հնարավոր է, որ քաղաքական ուժերն իրար հետ համաձայնության գան ու փոխզիջումների գնալով' կհամաձայնեն առաջ մղել բոլորին ձեռնտու որևէ թեկնածուի:
Հարցին, թե այս պահին դեռևս չե՞ք տեսնում այդ խարիզմատիկ լիդերին, նա պատասխանել է. «Ցավոք' չեմ տեսնում, քանի որ դեռ չի հասունացել նրա հայտնվելու անհրաժեշտության պահը: Լիդեր առաջ մղելու ժամանակ մենք դեռ ունենք: Բայց այն անսահման չէ: Արտաքին ուժերը' հասկանալով, որ հայերն իրենք չեն կարողանում իրար հետ լեզու գտնել, մեզ կառաջարկեն իրենց թեկնածուին և իրենց աջակցությունը: Այդ ժամանակ մենք ստիպված կլինենք ընտրություն կատարել ոչ թե մեր թեկնածուների միջև, այլ նրանց կողմից առաջարկվածների, այսինքն' առաջնորդվել ոչ թե սեփական շահերով, այլ նրանց: Այնպես որ' մենք պետք է շտապենք, բայց առանց շտապողականության»:
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
