Բժիշկը նշել է, թե ովքեր չպետք է պատվաստվեն COVID-19-ի դեմ

Անգլիայի Ազգային առողջապահական ծառայության բժշկական տնօրեն Սթիվեն Փոուիսը հայտնել է, որ դեղամիջոցների հանդեպ խիստ ալերգիա ունեցող մարդիկ պետք է հրաժարվեն COVID-19-ի դեմ պատվաստվելուց՝ հնարավոր մարմնի արձագանքի պատճառով:  Բրիտանիայում դեկտեմբերի 8-ին սկսվեց բնակչության պատվաստումը COVID-19-ի դեմ Pfizer / BioNTech-ի կողմից մշակված դեղամիջոցով: Իշխանությունները նախատեսում են պատվաստել հիվանդության հանդեպ առավել խոցելի մարդկանց մեծ մասին 2021 թվականի առաջին երկու ամիսների ընթացքում, որից հետո բոլորը պատվաստվելու են: Պատվաստումն իրականացվում է կամավոր և անվճար: Առաջին հերթին պատվաստումները ստանում են ծերանոցների հիվանդները, 80-ից բարձր մարդիկ, ինչպես նաև բժիշկներն ու սոցիալական աշխատողները: «Նախազգուշական նպատակով՝ կորոնավիրուսի դեմ պատվաստանյութերը խորհուրդ է տրվում չտալ այն մարդկանց, ովքեր ունեցել են ալերգիկ ռեակցիաներ պատվաստումներից հետո», - լրագրողներին ասել է Փոուիսը: Պատվաստումներից հետո ալերգիաներ հայտնվել են երկու առողջապահական աշխատողների մոտ: Նրանց անունները, ինչպես նաև օրգանիզմի արձագանքի բնույթը չեն հրապարակվել: